Dorothy Day

Gun

(Gungbe)

Gun (Bénin)

Cet article est écrit en Gun (Gungbe) This article is written in Gun (Gungbe)

‎

Avùnnukundiọsọmẹ daho hugan azán lọ gbè tọn wẹ: Nawẹ mí sọgan hẹn diọdo ahún mẹ tọn wá gbọn, yèdọ diọdo de he dona bẹjẹeji hẹ dopodopo mítọn?

‎Dorothy Day yin jiji to azán 8tọ Abọ̀húsun 1897 tọn. E kú to 29tọ Abọ̀húsun 1980 tọn. Wekantọ Amelikanu de wẹ e yin. Enẹgodo, e lẹzun alọgọtọ de na wamọnọ lẹ. E gbẹwanna awhàn. E ma yiwanna gandudu daho. E yiwanna Ṣọṣi Katoliki tọn. E jlo nado nọ má onú lẹ hẹ mẹdevo lẹ to aliho he sọgbe mẹ. Ewọ po Peter Maurin po bẹ pipli azọ́nwatọgbẹ́ Katoliki tọn jẹeji. E wlan owe susu. E dọho susu gando Jiwheyẹwhe go podọ gando alọgigọna mẹdevo lẹ go.

Hoyidọ etọn lẹ

• Sinsẹ̀n kẹdẹ mẹ wẹ mí sọgan mọ titonu de te, fie mẹlẹpo wẹ nọ má nulẹpo te. Podọ e ko jọ whlà susu.
  • sọn Union Square to Rome (1938) mẹ.
• Mímẹpo ko tindo numọtolanmẹ ṣokẹdẹninọ tọn na ojlẹ dindẹn. ‎Mí ko plọn dọ aliho dopo gee he mẹ mí sọgan vọ́ ẹ jlado te wẹ owanyi. Podọ owanyi nọ wá sọn tintin hẹ mẹdevo lẹ mẹ to lẹdo de mẹ.
  • The Long Loneliness(1952), p. 286
• Mí dona nọ lẹnnupọndo ohẹ́n ji to whepoponu bosọ nọ kanwe gando ohẹ́n go. Eyin mí ma yin wamọnọ, mí nọ wọnji lehe e yin nujọnu sọ go. Mí dona dọho gando ohẹ́n go. Mẹhe onú pọnte na lẹ ma sọ nọ mọ ẹn di nue yè dona dọho gand'ego ba.
  • Lucchetti Bingemer, Maria Clara (2013)
• Nugbo he whlá lọ gando wamọnọ lẹ go wẹ yin dọ: Jesu wẹ yé, podọ nuhe hiẹ wà na yé wẹ a wà na Ẹn. Aliho dopo gee he mẹ mí dona yọ́n owanyi mítọn bosọ tindo yise te nìyẹn. Nugbo he whlá lọ gando ohẹ́n go wẹ yindọ gbọn mahẹ tintindo to e mẹ dali, bo nọ hẹn míde zun wamọnọ to nunina nina mẹdevo lẹ mẹ, mí nọ hẹn oyọnẹn po yise mítọn to owanyi mẹ po jideji.
  • Catholic Worker (April 1964)
• Mí nọ saba yí hogbe lẹ kẹdẹ do miọnhomẹna míde, ṣigba eyin mí hodẹ̀ ganji, mí na tindo nujikudo lọ dọ Klisti wẹ Ahọlu mítọn, e ma yin Stalin, Bevins, kavi Truman gba. E tindo onú lẹpo to alọ Etọn mẹ, dọ " onú lẹpo wẹ to azọ́nwa dopọ na dagbe hlan yé he yiwanna Ẹn lẹ.
  • On Pilgrimage (1948), p. 18
• Nuhe yọ́n hugan nado wà po nuhe yọ́n hugan to gbẹ̀mẹ lẹ po wẹ nado jo yé do.
  • Hokansemẹ to Time (1975)
• Avùnnukundiọsọmẹ daho hugan azán lọ gbè tọn wẹ: Nawẹ mí sọgan hẹn diọdo ahun tọn wá gbọn, yèdọ diọdo de he dona bẹjẹeji hẹ dopodopo mítọn?
  • Loaves and Fishes (1963)

Nọtẹn devo lẹ

‎