Elizabeth Kucinich
|
Cet article est écrit en Gun (Gungbe) |
Elizabeth Jane Kucinich (he yin jiji taidi Harper to 22 Kóyànsun 1977) yin yọnnu Britain tọn de he nọ dọho sinsinyẹn na núdùdù jọwamọ tọn podọ nado dùnú matin olàn kanlin tọn. E ko basi sinima awe bo wlealọ hẹ Dennis Kucinich.
Hoyidọ etọn lẹ
[jlado | jla asisado]- Jidide tintindo to sọgodo mẹ nọ bẹjẹeji gbọn jidide tintindo to dewe mẹ, nugbonọ-yinyin na dewe, po adọgbigbo lọ tintindo nado zan gbẹzan towe po dali, e ma yin to aliho pipé de mẹ gba, ṣigba to aliho nugbo po nujọnu tọn de po mẹ. Dopodopo mítọn wẹ yin nujọnu. Nudide mítọn lẹ yin nujọnu. Linlẹn, hodidọ, po nuyiwa mítọn lẹ po yin nujọnu. Nọ yí ayajẹ do nọgbẹ̀ egbesọegbesọ, bo nọ kẹalọyi dotẹnmẹ hundote he na gọalọna hiẹ po lẹdo towe po nado whẹ́n ganji lẹ.
- Whedepopenu he mí dùnú, mí nọ de nado nọgodona titonu de. To aliho glelilẹ tọn he mí de lẹ mẹ, mí sọgan nọgodona mẹde he nọ gọalọna sọgodo mítọn, kavi dehe nọ và ẹ sudo. Onú dopolọ yin nugbo gando nudide he mí nọ basi lẹ go. Tito dagbe hugan núdùdù agbasalilo tọn wẹ dehe tindo atin-sinsẹ́n po omá yọyọ susu po, okún gigọ́ lẹ, po jinukun lẹ po, podọ kanlin lẹ ma sù sọmọ. Ehe yọ́n na lẹdo lọ, na agbasalilo mítọn, podọ na kanlin lẹ. Yẹn yin mẹde he nọ dù omá kiki na yẹn nọ penukundo kanlin lẹ po sọgodo aihọn mítọn tọn po go wutu. Humọ, núdùdù hunsindagbe tọn nọ gọalọ nado doalọtena azọ̀n ylankan susu he nọ dẹn-to-aimẹ bo ma nọ yin hinhẹn gbayipe sọn mẹde dè, ehe bẹ ahunzọ̀n, kọgbidinamẹ sinsinyẹn ohùn tọn, ohùn-zọ̀n, po azọ̀n adọ́-vivi tọn po hẹn. Whedepopenu he mí dùnú, vlavo mí to azọ̀njẹ kavi to avùnho sọta ẹ.