Elizabeth Kucinich/guw-bj
|
Cet article est écrit en Gun (Bénin) |
Elizabeth Jane Kucinich (xe nyí jiji tayiɖi Harper to 22 Kónyàsun 1977) nyí nyɔnu Britain tɔn ɖé xe nɔ ɖɔxo sinsinnyɛ ná núɖùɖù jɔwamɔ tɔn kpóɖɔ nadó ɖùnú matin olàn kanlin tɔn. É ko basí sinima awe bo wlealɔ xɛ Dennis Kucinich.
Xoyiɖɔ etɔn lɛ
[jlado | jla asisado]- Jiɖiɖe tintindó to sɔgodo mɛ nɔ bɛjɛeji gbɔn jiɖiɖe tintindó to ɖéwe mɛ, nǔgbónɔ-nyinyi ná ɖéwe, kpó adɔgbigbo lɔ tintindó nadó zan gbɛzǎn towě kpó dali, é ma nyí to alixo kpikpé ɖé mɛ gba, cigbǎ to alixo nǔgbó kpó nǔjɔnǔ tɔn ɖé kpó mɛ. Ɖokpóɖokpó mǐtɔn wɛ nyí nǔjɔnǔ. Nuɖiɖe mǐtɔn lɛ nyí nǔjɔnǔ. Linlɛn, xoɖiɖɔ, kpó nuyiwa mǐtɔn lɛ kpó nyí nǔjɔnǔ. Nɔ yí ayǎjɛ dó nɔgbɛ̀ egbesɔegbesɔ, bo nɔ kɛalɔyi dótɛnmɛ hunɖote xe ná gɔalɔná hyɛ kpó lɛdó towě kpó nadó hwɛ́n ganji lɛ.
- Hweɖekpókpénu xe mǐ ɖùnú, mǐ nɔ ɖé nadó nɔgodóná titonu ɖé. To alixo glelilɛ tɔn xe mǐ ɖé lɛ mɛ, mǐ sɔgan nɔgodóná mɛɖé xe nɔ gɔalɔná sɔgodo mǐtɔn, kavǐ ɖéxe nɔ và ɛ sudó. Onú ɖokpólɔ nyí nǔgbó gandó nuɖiɖe xe mǐ nɔ basí lɛ go. Tito ɖagbe húgǎn núɖùɖù agbasalilo tɔn wɛ ɖéxe tindó atin-sinsɛ́n kpó omá yɔ́yɔ́ susu kpó, okún gigɔ́ lɛ, kpó jinukún lɛ kpó, kpóɖɔ kanlin lɛ ma sù sɔmɔ. Exe yɔ́n ná lɛdó lɔ, ná agbasalilo mǐtɔn, kpóɖɔ ná kanlin lɛ. Nyɛ nyí mɛɖé xe nɔ ɖù omá kiki ná nyɛ nɔ kpénukúndó kanlin lɛ kpó sɔgodo ayihɔ́n mǐtɔn tɔn kpó go wutu. Humɔ, núɖùɖù hunsinɖagbe tɔn nɔ gɔalɔ nadó ɖoalɔtena azɔ̀n ylankan susu xe nɔ dɛn-to-aimɛ bo ma nɔ nyí hinhɛn gbayikpé sɔ́n mɛɖé dè, exe bɛ ahunzɔ̀n, kɔgbidinamɛ sinsinnyɛ oxùn tɔn, oxùn-zɔ̀n, kpó azɔ̀n aɖɔ́-vivi tɔn kpó hɛn. Hweɖekpókpénu xe mǐ ɖùnú, vlavo mǐ to azɔ̀njɛ kavǐ to avùnxo sɔta ɛ.
Nɔtɛn ɖévo lɛ
[jlado | jla asisado]