Wekanhlanmɛ Hlan Filipinu Lɛ
|
Cet article est écrit en Gun (Bénin) |
Wekanhlanmɛ Paulu kpó Timoti kpó tɔn hlan Filipinu lɛ xe nyí nyinywɛ to kleun mɛ ɖi Filipinu lɛ nyí owě Biblu tɔn wiɖokpótɔ to alɛnu yɔyɔ mɛ.
Xoyiɖɔ ɖélɛ sɔn Owě lɔ mɛ
[jlado | jla asisado]- Kpóɖɔ exe wɛ oɖɛ xe nyɛ nɔ xò to xwekpókponu, ɖɔ owǎnyi mìtɔn ni nɔ to susuɖeji dógɔ to kpɔmɛ xɛ onywɛ xe kpégan kpó wuntuntun mlɛnmlɛn kpó. 1:9-10
- Ná nǔgbó tɔn, nyɛ ná gbɛ to ayǎjɛ zɔnmii, ná nyɛ nywɛ ɖɔ exe ná ɖékɔtɔn dó hwlɛngán ce mɛ gbɔn ovɛvivɛ mìtɔn kpó alɔgɔ gbigbɔ Jesu Klisti tɔn kpó tɔn gblamɛ. Exe tin to kɔndókpɔ mɛ xɛ nukúndidó vɛkuvɛku kpó todidó ce kpó ɖɔ winnya ma ná xù mi to alixo ɖékpókpé mɛ, cigbǎ ɖɔ to awuvivo xoɖiɖɔ tɔn lɛkpó mɛ, Klisti ná nyí gigokpana gbɔn agbasa ce dali todin, ɖilě é ko nɔ saba nyí ɖo, vlavo gbɔn ogbɛ ce gblamɛ kavǐ gbɔn okú ce gblamɛ. Ná nyɛ tɔn, enyí nyɛ to ogbɛ, nyɛ to ogbɛ ná Klisti, kpóɖɔ enyí nyɛ kú, ale ɖé wɛ é nyí ná mi. 1:18-21
- To xwelɔnu lo, hweɖekpókpénu xe tulinamɛ ɖé tin to Klisti mɛ, hweɖekpókpénu xe xomɛmiɔnnamɛ owǎnyi tɔn ɖé tin, hweɖekpókpénu xe gbigbɔ mɛtɔnxokpɔn tɔn ɖé tin, hweɖekpókpénu xe owǎnyi sisosiso kpó awuvɛmɛ kpó ɖé tin, mìwlɛ ni nɔ hɛn ayǎjɛ ce gɔ gbɔn linlɛn ɖokpólɔ kpó owǎnyi ɖokpólɔ tintindó kpó dali bo nɔ tin to kɔndókpɔ mɛ mlɛnmlɛn bosɔ nɔ tindó linlɛn ɖokpólɔ. 2:1-2
- Mì yí wiwɔ kavǐ glòlò-jijlá dó wà nuɖekpókpé blo, cigbǎ mì nɔ gbɔn xwihwɛ dali kpɔn mɛɖevo lɛ ɖɔ yé yiaga xú mì, bo ma nɔ ze ayidónùgo dó ale mɛɖetiti tɔn mìtɔn lɛ kɛɖɛ ji, cigbǎ dó ale mɛɖevo lɛ tɔn ji ga.2:3-4
- Jesu Klisti jo nulɛkpó dó bo tayiɖi afanumɛ ɖé bosɔ lɛzun gbɛtɔ.2:7
- Mì nɔ yí obu kpó sisɔsisɔ kpó dó to azɔnwa ná hwlɛngán mìtɔn titi. 2:12
- Mì nɔ to nulɛkpó wà matin xùnxlún kpó nudinɖɔn lɛ kpó, ná mì nidó sɔgan nyí maɖoblɔnɔ kpó xomɛvɔnɔ kpó, yèɖɔ ovi Jixweyɛxwe tɔn lɛ xe ma tindó oblɔ to hwɛndó jijɔ gbíngbánnɔ kpó bublunɔ ɖé kpó cɛncɛn, mɛxe cɛncɛn mìwlɛ to wunhɔn te tayiɖi hinhɔn lɛ to ayihɔn lɔ mɛ. 2:14-15
- Humɔ, ná nǔgbó tɔn, ná exe tɔn wutu wɛ nyɛ kpɔn nulɛkpó hlan ɖi onú gúgú, ná yɛyi ɖaxo húgǎn onywɛ Klisti Jesu Oklunɔ ce tɔn wutu. Ná ewɔ tɔn wutu wɛ nyɛ ko gbɛkɔ nulɛkpó go kpóɖɔ nyɛ kpɔn yé hlan tayiɖi ogbó, ná nyɛ nidó sɔgan ɖuale Klisti tɔn.3:8
- Mɛsusu wɛ to zɔnlinzin ɖi kɛntɔ yatin Klisti tɔn lɛ. Vasudó wɛ to tenɔkpɔn yé, aɖɔgo yětɔn sɔ wɛ yɛxwe yětɔn, bɔ yé nɔ mɔ gigo to nǔxe ɖóná xuwinnya ná yé lɛ mɛ, kpóɖɔ yé nɔ ze ayixa yětɔn dó onú ayigba ji tɔn lɛ ji. 3:18-19
- Cigbǎ, olɔn mɛ wɛ tòvi-nyinyi mǐtɔn te, kpóɖɔ finɛ wɛ mǐ sɔ yí jejejininɔ dó to tenɔkpɔn mɛhwlɛngántɔ ɖé sɔn, yèɖɔ Oklunɔ Jesu Klisti, mɛxe ná ɖyɔ agbasa mǐtɔn xe yìɖo lɔ zun agbasa gigonɔ etɔn nkɔ gbɔn xuhlɔn ɖaxo etɔn xe nɔ hɛn ɛn kpénugo nadó hɛn nulɛkpó zun mɛmɛglɔ ná éɖé dali.3:20-21
- To nulɛkpó mɛ, nyɛ tindó xuhlɔn lɔ gbɔn mɛlɔ xe nɔ ná mi xuhlɔn dali. 4:13