Wekanhlanmɛ Hlan Galatianu Lɛ
|
Cet article est écrit en Gun (Bénin) |
Wekanhlanmɛ hlan Galatianu lɛ nyí owě wiɛnɛtɔ́ alɛnu yɔ́yɔ́ tɔn. É nyí wekanhlanmɛ Paulu Akpɔsteli tɔn hlan Klistiani xe tin to agbegbe Galatia tɔn lɛ.
Xoyiɖɔ ɖélɛ sɔ́n owě lɔ mɛ Ná nǔgbó tɔn, be gbɛtɔ́ lɛ wɛ nyɛ to tintɛnkpɔn nadó ɖyɔ́linlɛnna ya, kavǐ Jixweyɛxwe? Kavǐ be gbɛtɔ́ lɛ wɛ nyɛ to tintɛnkpɔn nadó hɛn xomɛhun ya? Enyí nyɛ gbɛ́ to xomɛ gbɛtɔ́ lɛ tɔn hɛn xùn, nyɛ ma ná nyí afanumɛ Klisti tɔn. 1:10 To hwenue Jixweyɛxwe, mɛxe hɛn mi nadó nyí jiji bo ylɔ mi gbɔn nukúndagbe ma jɛxɛ etɔn gblamɛ, mɔɖɔ mɔɖɔ é yɔ́n nadó dó Visunnu etɔn xya gbɔn nyɛ gblamɛ,ná nyɛ nidó sɔgan lá wɛnɖagbe lɔ gandó ewɔ go ná akɔta lɛ, nyɛ ma kàn ayinamɛ byɔ́ mɛɖé to afɔɖokpólɔji; mɔɖokpólɔ, nyɛ ma xɛji yì Jelusalɛm, yèɖɔ yì mɛxe nyí akpɔsteli jɛnukɔnna mi lɛ dè. 1:15-17
- Todin, nyɛ nyí xwihwè dó núgo xɛ Klisti. É masɔ nyí nyɛ wɛ to gbɛnɔ ba, cigbǎ Klisti wɛ to gbɛnɔ to kɔndókpɔ́ mɛ xɛ mi. 2:20
- Enɛwutu, Osɛ́n lɔ ko lɛzun mɛgokpɔntɔ mǐtɔn xe ɖéanana mǐ yì Klisti dè,ná mǐwlɛ nidó sɔgan nyí lilá ɖi dódónɔ ná yise wutu. Cigbǎ,todin xe yise ko wá, mǐ masɔ tin to mɛgokpɔntɔ ɖé glɔ ba. 3:24-25
- Ná mìmɛkpó xe nyí bibakptizi to Klisti mɛ ko ze Klisti ɖogo. Ju kavǐ Glɛkinu ɖé ma tin,afanumɛ kavǐ mɛxe to éɖekannu ɖé ma tin, sunnu kavǐ nyɔnu ɖé ma tin, ná ɖokpó wɛ mìmɛkpó to kɔndókpɔ́ mɛ xɛ Klisti Jesu.3:27-28
- Ɖilě é ná dɛnsɔ bɔ guɖutɔ lɔ ná gbɛ́ kpò to yɔkpɔvu ɖé nyí, ewɔ ma gbɔnvo to alixo ɖékpókpé mɛ ná afanumɛ ɖé, ɖilě etlɛ nyíɖɔ ewɔ wɛ oklunɔ nulɛkpó tɔn, cigbǎ ewɔ tin to nukúnkpédónùgotɔ lɛ kpó hɔ̀nkɔnsi lɛ kpó glɔ kakajɛ azán xe otɔ́ etɔn ko ɖé jɛnukɔn lɔ gbè. Mɔɖokpólɔ, to hwenue mǐ kpò to yɔkpɔvu, mǐlɔsu lɛ nyí hinhɛn zun afanumɛ gbɔn onú dódónu tɔn ayihɔ́n tɔn lɛ dali.Cigbǎ, hwenuena ojlɛ ɖiɖe lɔ kpé,Jixweyɛxwe dó Visunnu etɔn hlan, mɛxe nyí jiji gbɔn nyɔnu ɖé dali bosɔ tin to osɛ́n glɔ, ná ewɔ nidó sɔgan tún mɛxe to osɛ́n glɔ lɛ ɖote gbɔn xixɔ̀ yé dali, ná mǐwlɛ nidó sɔgan nyí sisɔdódóvi. Todin, ná ovi wɛ mì nyí wutu, Jixweyɛxwe ko dó gbigbɔ Visunnu etɔn tɔn hlan ahun mǐtɔn mɛ bɔ é yí ogbè lélé dó ɖaxwá ɖɔmɔ: “Abba, Otɔ́!” Enɛwutu, hyɛ masɔ nyí afanumɛ ɖé ba cigbǎ ovi ɖé; to xwelɔnu lo, enyí ovi ɖé wɛ hyɛ nyí, be guɖutɔ ɖé wɛ hyɛ sɔ nyí gbɔn Jixweyɛxwe dali. 4:1-7
- Ɖi akpajlɛ̌, é nyí kinkanɖayǐ ɖɔ Ablaxam tindó visunnu awe,ɖokpó nyí gbɔn ɖévinyɔnu lɔ dali bɔ awetɔ nyí gbɔn nyɔnu xe to éɖekannu lɔ dali;cigbǎ ná tawun tɔn, ɖéxe nyí ɖévinyɔnu lɔ tɔn nyí jiji to jɔwamɔ-lixo bɔ awetɔ lɔ xe nyí nyɔnu xe to éɖekannu lɔ tɔn nyí gbɔn okpagbe ɖé gblamɛ.Onú exelɛ sɔgan tindó zɛɛmɛ yɛxyadónù tɔn ɖé; ná nyɔnu exelɛ nɔtena alɛnu awe.4:22-24
- Ná mɛɖekannujɛ mɔnkɔtɔn wutu wɛ Klisti tún mǐ ɖote.Enɛwutu mì nɔtegli, mì sɔ ɖikebo nyí ginglɔndó zɛgɛ afanumɛ-nyinyi tɔn mɛ ba blo. 5:1
- Mɛmɛsunnu lɛ emi, mɛɖekannujɛ mɛ wɛ mì nyí yiylɔ ɖo; etomɔcoetomɔco mì yí mɛɖekannujɛ exe zan tayiɖi dótɛnmɛ hunɖote ɖé nadó ɖoafɔná ojlǒ agbasalan tɔn lɛ blo, cigbǎ gbɔn owǎnyi dali mì nɔ wazɔ́n ná oɖé awetɔ tayiɖi afanumɛ.Ná Osɛ́n lɔ blebu nyí bibladókpɔ́ dó gbeɖiɖe ɖokpó mɛ, enɛ wɛ: Hyɛ ɖóná yiwǎnna kɔmɛnu towě ɖi ɖéwe. 5:13-14
- Mì to zɔnlinzin gbɔn gbigbɔ dali zɔnmii, mì masɔ to ná hɛn ojlǒ agbasalan tɔn ɖékpókpé ɖi.5:16
- To alɔ ɖévo mɛ, sinsɛ́n gbigbɔ tɔn wɛ owǎnyi, ayǎjɛ, jijɔxo, xomɛfa, xomɛɖagbe, ɖagbewà, yise, walɔmimiɔn, mawazɛjlɛgo. 5:22-23
- Mɛxe nyí Klisti Jesu tɔn lɛ ko hwè agbasalan dó atin go to kpɔmɛ xɛ numɔtolanmɛ zogbe kpó ojlǒ etɔn lɛ kpó.5:24
- Mì nɔ to alɔgɔná oɖé awetɔ to nǔxe to agbàn kpɛ̀n mì lɛ mɛ bo gbɔnmɔ dali hɛn osɛ́n Klisti tɔn ɖi. 6:2
- Nuɖekpókpé xe mɛɖé to didó, enɛ wɛ é ná gbɛ̀n ga; ná mɛxe to didó sɔgbe xɛ agbasalan etɔn ná gbɛ̀n gbigble sɔ́n agbasalan etɔn mɛ,cigbǎ mɛxe to didó sɔgbe xɛ gbigbɔ ná gbɛ̀n ogbɛ̀ maɖokpóɖo sɔ́n gbigbɔ lɔ dè. Enɛwutu, mì ɖike mǐ gbɔjɔ to nǔxe nyí ɖagbe wiwà mɛ blo, ná mǐ ná gbɛ̀n to ojlɛ sisɔ mɛ enyí agbɔ́ ma kpé mǐ. 6:7-9
- Nyɛ ma jlo ná ɖoawagun gbeɖé, adavo to yatin Oklunɔ mǐtɔn Jesu Klisti tɔn mɛ,mɛxe gblamɛ ayihɔ́n lɔ ko nyí xùxù te to kpɔnɖohlan ce mɛ kpóɖɔ nyɛ to kpɔnɖohlan ayihɔ́n tɔn mɛ.6:14