Xohwinhwɛn Lɛ
|
Cet article est écrit en Gun (Bénin) |
Xohwinhwɛn lɛ (Heblu: מִשְלֵי, Míshlê,) nyí owě Biblu Xeblu tɔn ɖé.
Xohwinhwɛn lɛ 1
[jlado | jla asisado]- Xohwinhwɛn Sɔlomɔni visunnu Davidi, axɔlu Islaeli tɔn tɔn lɛ: Nadó kplɔn nunywɛ bo kɛalɔyi mɛkplɔnlɔ; Nadó mɔnukúnnujɛ oxó xe gɔ ná wuntuntun lɛ mɛ; Nadó kɛalɔyi mɛkplɔnlɔ xe nɔ namɛ zinzin, Gɔná dódówiwa, hwɛdidá dódó kpó ahunjijlɔ kpó; Nadó ná zinzin wunvinɔ; Nadó ná onywɛ kpó nugokpikpé nulɛnkpɔn tɔn kpó jɔja sunnu ɖé. 1:1-4
- Buɖisi Jehovah wɛ bɛjɛeji onywɛ tɔn. Nulunɔ lɛ kɛɖɛ wɛ nɔ gbɛkɔ nunywɛ kpó mɛkplɔnlɔ kpó go.
1:7
- Visunnu ce, enyí ylandónɔ lɛ tɛnkpɔn nadó ɖoyɛklɔ we, a yigbe blo. 1:10
- Mɔ wɛ mɛxe to ale mawadódó tɔn dǐn lɛ nɔ yinuwa ɖo, Kpóɖɔ exe wɛ ná yí ogbɛ mɛxe mɔ ɛn yí lɛ tɔn. 1:19
- Nawɛ é ná dɛnsɔ bɔ mì wunvinɔ lɛ ná to wannyia wunvi? Nawɛ é ná dɛnsɔ bɔ mì mɛcankotɔ lɛ ná to awuvivi mɔ to mɛcanko mɛ? Kpóɖɔ nawɛ é ná dɛnsɔ bɔ mì nulunɔ lɛ ná to wangbɛná onywɛ? 1:22
Xohwinhwɛn lɛ 2tɔ
[jlado | jla asisado]- Enɛwutu,nɔ xodó alixo mɛɖagbe lɛ tɔn Bo gbɔci ali dódónɔ tɔn lɛ ji, Ná nǔgbónɔ lɛ kɛɖɛ wɛ ná nɔ ayigba ji, Kpóɖɔ maɖoblɔnɔ lɛ wɛ ná gbɔci é ji. Cigbǎ, ná mɛylankan lɛ tɔn, yé ná nyí sinsánsɛ sɔn ayigba ji, Kpóɖɔ mɛklɔtɔ lɛ ná nyí dinɖɔn sún sɔn é ji.
2:20-22
Xohwinhwɛn lɛ 3tɔ
[jlado | jla asisado]- A ɖike owǎnyi nǔgbó kpó nǔgbónɔ-nyinyi kpó yì sɔn dè we blo. Sìn yé dó okɔ towě; Kàn yé dó ahun towě mɛ. 3:3
- Nɔ yí ahun towě lɛkpó dó ɖéjidó Jehovah go, Bo ma nɔ ganjɛ nukúnnumɔjɛnumɛ towě titi go blo. 3:5
- A lɛzun nunywɛtɔ to nukún towě titi mɛ blo. Nɔ ɖibusi Jehovah bo nɔ hɔnna oylan. 3:7
- Ayǎjɛnɔ wɛ mɛlɔ xe mɔ nunywɛ, Kpóɖɔ mɛlɔ xe tindó wuntuntun; É kpɔnte nadó tindó é xú nadó tindó fataka, Kpóɖɔ é kpɔnte nadó tindó é ɖi ale xú nadó tindó sika. É xɔakwɛ xú acákpán lɛ; Nǔxe hyɛ tindó ojlǒ ná ɖékpókpé ma gán nyí yiyijlɛdó é go. 3:13-25
- A hwànwu danuwatɔ blo, Mɔɖokpólɔ, a ɖé ɖékpókpé to alixo etɔn lɛ mɛ blo. 3:31
Xohwinhwɛn lɛ 4tɔ
[jlado | jla asisado]- A gbɛ nunywɛ, ɖayǐ blo, é nasɔ basí xihɔná we. Yiwǎnna ɛn, é nasɔ xɔ we. 4:6
- Nunywɛ wɛ nyí nǔjɔnǔ húgǎn, enɛwutu tindó nunywɛ, Kpóɖɔ gbɔnvona nǔxe hyɛ tindó lɛkpó,sɔ tindó nukúnnumɔjɛnumɛ.
4:10
- Cigbǎ, ali dódónɔ tɔn tayiɖi hinhɔn afɔnnu tɔn xe nɔ hɔnwun Bosɔ nɔ to wunhɔn dógɔ kakajɛ ohwè cáɖada mɛ. 4:18
- Xú nǔxe a nɔ basí xihɔná lɛkpó, nɔ xɔ ahun towě, Ná é mɛ wɛ asisa ogbɛ tɔn lɛ nɔ wá sɔn. 4:23
Xohwinhwɛn lɛ 6tɔ
[jlado | jla asisado]- Yì aɖiɖɛ dè, hyɛ aɖiɖɔnɔ; Ɖoayi nuyiwa etɔn lɛ go bo lɛzun nunywɛtɔ. Ɖilě etlɛ nyíɖɔ é ma tindó ahwàngán ɖaxo, anaɖemɛtɔ kavǐ ogán ɖékpókpé, É nɔ wleawuna núɖùɖù etɔn to alunlun mɛ, É sɔ nɔ bɛ núɖùɖù etɔn kpli to jibɛwaxwé hwenu. 6:6-8
Xohwinhwɛn lɛ 8tɔ
[jlado | jla asisado]Be nunywɛ ma to axwáɖo ya? Be wuntuntun ma to gbèzeyiaga ya? To ofi yiaga lɛ to alitó, É nɔ nɔte to aliklan lɛ ji. Sɛkpɔ hɔngbo xe byɔ tòɖaxó lɔ mɛ lɛ, Yèɖɔ hɔntonu lɛ wɛ é te, Bo to axwáɖo makpóte kpó ogbè lélé kpó ɖɔmɔ: “Mì gbɛtɔ lɛ emi, mìwlɛ ylɔ wɛ n’te; Nyɛ ze ogbè yiaga hlan mɛlɛkpó. Wunvinɔ lɛ emi, mì kplɔn zinzin; Nulunɔ lɛ emi, mì tindó nukúnnumɔjɛnumɛ ahún mɛ tɔn. Mì dotoai, ná nǔxe ɖɔ n’te nyí nǔjɔnǔ, Nǔxe sɔgbe wɛ nùflo ce lɛ to ɖiɖɔ; Ná onù ce nɔ ɖɔ nǔgbó tɔn kpó ogbè ɖɛɛɖɛ kpó, Kpóɖɔ nùflo ce lɛ gbɛwǎnna oylan. Nǔxe nɔ tɔn sɔn onù ce mɛ lɛkpó wɛ nyí dódó. ɖékpókpé to yé mɛ ma nyí oxó mɛbublu kavǐ oklɔ tɔn. Oxó jijlɔ lɛ kɛɖɛ wɛ yé nyí to nukún mɛxe tindó wuntuntun tɔn mɛ Bosɔ sɔgbe to nukún mɛxe ko dǐn onywɛ mɔ lɛ tɔn mɛ. Kɛalɔyi mɛkplɔnlɔ ce kakati nidó nyí fataka, Kpóɖɔ onywɛ kakati nidó nyí sika ɖagbe húgǎn, Ná nunywɛ kpɔnte xú acákpán lɛ; Nuɖagbe ɖévo ɖékpókpé ma gán nyí yiyijlɛdó é go. Nyɛ wɛ nunywɛ, bɔ n’nɔ zɔnkpɔ xɛ zinzin; N’ko mɔ onywɛ kpó nugokpikpé nulɛnkpɔn tɔn kpó. Buɖisi Jehovah zɛɛmɛdó nadó gbɛwǎnna oylan. N’gbɛwǎnna mɛɖezizeɖaga, goyiyi, alixo ylankan kpó oxó xe gblezɔn lɛ kpó. N’tindó ayinamɛ ɖagbe kpó nunywɛ yɔn-ná-yizan kpó; Nukúnnumɔjɛnumɛ kpó xuhlɔn kpó sɔ tin to dè é. 8:1-14