Davidi
Ahọlu Davidi (d. ca. 961 BC) yin yẹwhenọ de he dugán do Islaeli po Juda po ji na owhe 39.
Hoyidọ lẹ[jlado | jla asisado]
- Donanọ wẹ omẹ he ma zinzọnlin to ohónamẹ mẹylankan lẹ tọn mẹ, Bo ma ṣite to ali ylanwàtọ lẹ tọn ji, Bo ma sọ sinai to otẹn mẹvlẹtọ lẹ tọn mẹ. Ṣigba homẹhùnhùn etọn tin to osẹ́n Oklunọ tọn mẹ; Podọ osẹ́n etọn mẹ wẹ é nọ ayihamẹlẹnpọ́n te to okle po ozán po. E na di atin he yè họ̀ndo do asisa osìn tọn tó, He to sinsẹ́n etọn sẹ́n to ojlẹ etọn mẹ; Àmà etọn ga ma na yẹ́; Nudepope é to wiwà na doale.
- Dindòna mi, Jiwheyẹwhe E, na a ni yọ́n ayiha ṣie: Whlé mi pọ́n, na a ni yọ́n tùmajai ṣie lẹ: Bo sọ pọ́n eyín aliho ylankan de tin to ohò ṣie mẹ, Bo sọ hẹn mi gbọn aliho madopodo lọ mẹ.
- Yè hẹn nukunbia mi na we, nọvisunnu ṣie Jonatani: Vivinọ talala hiẹ ko yín hlan mi: Owanyi towe hlan mi yín nújiawu, Zizè owanyi yọnnu lẹ tọn go.
- 2 Samuel 1:26 (TNIV)
- Mẹmẹsi towe to lẹngbọ otọ́ etọn tọn lẹ yìn; whenuena kinnikinni de wá finẹ, kavi ogbépọẹ de, bo yí lẹngbọ de sọn kanlinpa mẹ: [...] OKLUNỌ he whlẹn mì sọn ofọ́n kinnikinni tọn si, podọ sọn ofọ́n ogbépọẹ tọn si, ewọ na whlẹn mi sọn alọ Filistini he tọn mẹ.
- Hiẹ ja dẽ po ohi de po, pọ owhán de po, po dludlu de po: aigba yẹn ja de we to oyín OKLUNỌ awhànpa lẹ tọn mẹ, Jiwheyẹwhe awhàn Islaeli tọn lẹ tọn, he hiẹ dèafudo. [...] Podọ na agùnpipli he lẹpo nido yọnẹn dọ OKLUNỌ ma nọ yí ohi po owhán po do whlẹnmẹ gba: na OKLUNỌ tọn wẹ awhàn lọ, ewọ na sọ jó mì do alọ mìtọn mẹ.
- בני אבשלום בני
בני אבשלום
מי יתן מותי אני תחתיך
אבשלום בני בני- Beni Abshalom, beni!
Beni Abshalom!
Mi yitten muthi ani thachteicha.
Abshalom, beni! beni!- E Absalọmi visunnu ṣie, visunnu ṣie, Absalọmi visunnu ṣie jlo Jiwheyẹwhe yẹn wẹ ko kú na hiẹ, È visunnu ṣie, visunnu ṣie, Absalọmi.
- Beni Abshalom, beni!
Hoyidọ lẹ gando Davidi go[jlado | jla asisado]
- Whenẹnu wẹ Jonatani po Davidi po basi alẹ̀nù de, na ewọ yiwanna ẹn di alindọn etọn titi wutu Jonatani sọ dè ede sọn tewu he tin to e go mọ, bo yí ì na hlan Davidi, po awudido etọn po, yèdọ kakajẹ ohi etọn ji, podọ jẹ ogá etọn ji, podọ jẹ homẹbla etọn ji.
- 1 Samuel 18:3-4 (TNIV)
- Le yè hẹn yọpọsunnu lọ yì kẹdẹ, Davidi tite sọn otẹn de mẹ pannukọn hùwaji dali, bo ṣinyọn nukunmẹ etọn ji hlan aigba, bo dé ede whla atọ̀n: yé sọ donùnùgona yé nọzo, bo viavi hẹ yé nọzo, kaka Davidi do yìdẹn.
- 1 Samuel 20:41
- Ewọ degbèna yé ni plọn ovi Juda tọn lẹ ohàn ogá lọ tọn: dayi e go, yè wlan ẹn do owé Jasali tọn mẹ. Islaeli E, yè hù gigo towe to ofi ylaga towe lẹ ji! Nawẹ yè hẹn huhlọnnọ lẹ jai do le! A dọ ẹ to Gati mẹ blo, A sọ lá ẹ to alihogbo Aṣikelọni tọn lẹ ji blo; Viyọnnu Filistini lọ tọn lẹ nikã jaya, Viyọnnu whómagbonọ lẹ tọn lẹ nikã jaglin. Mì osé Gilboa tọn lẹ, Mi dike ahún kavi jikun tin to mì ji blo, kavi danji avọ́ nunina lẹ tọn lẹ: Na awóyínu huhlọnnọ lẹ tọn finẹ yè zédlangbe tata te, Awòyínu Sauli tọn yè ma yí amì do samisisána. Sọn ohùn alántọsiọ lẹ tọn mẹ, sọn ojó huhlọnnọ lẹ tọn mẹ, Ogá Jonatani tọn ma nọ gò do godo, Ohi Sauli tọn ma sọ nọ lẹ́gọ̀ agbá. Sauli po Jonatani po yín mẹvivó podọ vivinọ to ogbó yetọn lẹ mẹ, Podọ to okú yetọn mẹ yè ma klan yé gba; Yé yín awuyatọ hú akùn lẹ, Yé sọ yín sinsinyẹn hú kinnikinni lẹ. Mi viyọnnu Islaeli tọn lẹ, mi viavi do Sauli ji, Mẹhe nọ doavọ̀ mì to avọ̀vẹ̃sẹsẹ mẹ po awuvivi po, Mẹhe nọ yí asọdonu sika tọn lẹ do asọvò mìtọn ji. Nawẹ yè hẹn huhlọnnọ lẹ jai to ogbla awhànfuntẹn tọn mẹ do le! Yè hù Jonatani to ofi yìaga towe lẹ ji. Yè hẹn nukunbia mi na we, nọvisunnu ṣie Jonatani: Vivinọ talala hiẹ ko yín hlan mi: Owanyi towe hlan mi yín nújiawu, Zizè owanyi yọnnu lẹ tọn go. Nawẹ yè hẹn huhlọnnọ lẹ jai do le, Bọ sunnuwànu awhàn tọn lẹ sọ dọn!