Harry E. Soyster
Lieutenant General Harry E. Soyster (he yin jiji to azán 6tọ Ayidosun 1935) yin awhàngán hohowhenu tọn to Etat Unis. Bẹ sọn Ayidosun 1984 tọn jẹ Abọhúsun 1988 e sẹn taidi aṣẹpatọ awhànfuntọ United States Army Intelligence and Security Command (INSCOM) lẹ tọn. Mahopọnna zedaga etọn jẹ ogàntẹn Lieutenant General tọn mẹ, e sẹn taidi anadenanutọ Defense Intelligence Agency tọn to opa Bolling awhànfuntọ jẹhọnmẹ tọn lẹ tọn, Washington D.C. sọn Awewesun 1988 jẹ Zósun 1991. Soyster yin dopo to hagbẹ Military Intelligence Hall of Fame bo ka sọ to azọ́n wa taidi hoyidọtọ na azọ́nwhe awhànfuntọ nuglọ tọn de Military Professional Resources Inc.
Hoyidọ he tindo asisa lẹ[jlado | jla asisado]
- Awhànfuntọ numimọnọ lẹ podo azọ́nwhatọ̣ he tindo oyọnẹn lẹ po yọnẹn dọ yasanamẹ ma yin aliho dagbe de nado mọ nudọnamẹ lẹ yi sọn mẹhe to ganpámẹ lẹ. Azọ́n susu wẹ ponọ John Kiriakou he yin CIA dai tọn he nọ bẹ nudọnamẹ pli na hihóbasinamẹ̣ tọn dọ to hodidọ etọn mẹ gando lehe aṣa yasanamẹ he ye nọ ylọ dọ waterboarding gbà mehutọ ylankan lẹ he kọngbedopọ to danuwiwa 9/11 mẹ. Mẹsusu lẹ tin he nọ gbọn obu kavi numimọ matindo dali zín nudọnú obudonamẹ tọn kakati nado ganjẹ nuhe sọgan wazón gbau to ojlẹ enẹ mẹ go. N'na na avase mẹhe jlo na hodo apajlẹ he yin nudego tofi dọ nudọnamẹ he yin mimọyi sọn mẹhe to gànpamẹ lẹ si gbọn aliho he ma sọgbe mẹ ma nọ wá kavi zọ̀n podo osẹ́n po. Ponọ FBI lẹ to nudọnamẹ dagbe lẹ yi sọn mẹhe to gànpamẹ lẹ si whẹpo ponọ CIA lẹ do jẹ azọ́n ji. Podọ apajlẹ susu lẹ wẹ tin he dohia dọ ginganjẹ nudọnamẹ he yin mimọyi gbọn yasanamẹ dali nọ tindo kọdetọn ylankan lẹ. Nugbo lọ wẹ yindọ yasanamẹ kavi mẹhihò yiyizan nọ hẹn kọdetọn he yè ma sọgan ganjẹ e go lẹ gando walọ podo nunọwhinusẹ́n lẹ po wa. Apọṣinu he tin to nudide he azọ́nwatọ nudọnamẹ bepli tọn lẹ basi wẹ yindọ yasanamẹ nọ hẹn nudọnamẹ he go yè ma sọgan ganjẹ wa. Podọ apọṣinu he tin to nudide awhàngán lẹ tọn mẹ wẹ yindọ yasanamẹ yin nuhe ma do sisi hia. Alihò mọnkọntọn lẹ yiyizán nọ ze awhànfuntọ mitọn lẹ podo otò lọ po do owu mẹ.
- Anadenanutọ na Defense Intelligence Agency dai tọn dọ yasanamẹ nọ hẹn nudọnamẹ he go yè ma sọgan ganjẹ wa", kakatimọ jlọjẹ gbẹtọ lẹ tọn ni yin onu tintan (2007-12-11)