Jump to content

Howhinwhẹn Lẹ

Sọn Wikiquote
Jijọhonọ wẹ dawe lọ he din ayitùnnugo mọ, Po dawe he duale zìnzìn tọn po. Na ajọ́ etọn hú ajọ́ fataka tọn, Ale etọn hú sika dagbedagbe tọn.

Howhinwhẹn lẹ (Heblu: מִשְלֵי, Míshlê,) yin owe Biblu Heblu tọn de.

Howhinwhẹn lẹ 1[jlado | jla asisado]

  • Howhinwhẹn Sọlomọni visunnu Davidi, ahọlu Islaeli tọn tọn lẹ:Nado plọn nuyọnẹn bo kẹalọyi mẹplọnlọ; Nado mọnukunnujẹ ohó he gọ́ na wuntuntun lẹ mẹ; Nado kẹalọyi mẹplọnlọ he nọ namẹ zinzin, Gọna dodowiwa, whẹdida dodo po ahunjijlọ po; Nado na zinzin wunvinọ; Nado na oyọnẹn po nugopipe nulẹnpọn tọn po jọja sunnu de. 1:1-4
  • Budisi Jehovah wẹ bẹjẹeji oyọnẹn tọn. Nulunọ lẹ kẹdẹ wẹ nọ gbẹkọ nuyọnẹn po mẹplọnlọ po go.

1:7

  • Visunnu ṣie, eyin ylandonọ lẹ tẹnpọn nado doyẹklọ we, a yigbe blo. 1:10
  • Mọ wẹ mẹhe to ale mawadodo tọn dín lẹ nọ yinuwa do, Podọ ehe wẹ na yí ogbẹ̀ mẹhe mọ ẹn yí lẹ tọn. 1:19
  • Nawẹ e na dẹnsọ bọ mì wunvinọ lẹ na to wanyina wunvi? Nawẹ e na dẹnsọ bọ mì mẹṣankotọ lẹ na to awuvivi mọ to mẹṣanko mẹ? Podọ nawẹ e na dẹnsọ bọ mì nulunọ lẹ na to wangbẹna oyọnẹn? 1:22

Howhinwhẹn lẹ 2tọ́[jlado | jla asisado]

  • Enẹwutu,nọ hodo aliho mẹdagbe lẹ tọn Bo gbọṣi ali dodonọ tọn lẹ ji, Na nugbonọ lẹ kẹdẹ wẹ na nọ aigba ji, Podọ madoblọnọ lẹ wẹ na gbọṣi e ji. Ṣigba, na mẹylankan lẹ tọn, yé na yin sinsánsẹ sọn aigba ji, Podọ mẹklọtọ lẹ na yin dindọn sún sọn e ji.

2:20-22

Howhinwhẹn lẹ 3tọ́[jlado | jla asisado]

  • A dike owanyi nugbo po nugbonọ-yinyin po yì sọn dè we blo. Sìn yé do okọ̀ towe; Kàn yé do ahun towe mẹ. 3:3
  • Nọ yí ahun towe lẹpo do dejido Jehovah go, Bo ma nọ ganjẹ nukunnumọjẹnumẹ towe titi go blo. 3:5
  • A lẹzun nuyọnẹntọ to nukun towe titi mẹ blo. Nọ dibusi Jehovah bo nọ họ̀nna oylan. 3:7
  • Ayajẹnọ wẹ mẹlọ he mọ nuyọnẹn, Podọ mẹlọ he tindo wuntuntun; E pọnte nado tindo e hú nado tindo fataka, Podọ e pọnte nado tindo e di ale hú nado tindo sika. E họakuẹ hú aṣápán lẹ; Nuhe hiẹ tindo ojlo na depope ma gán yin yiyijlẹdo e go. 3:13-25
  • A whànwu danuwatọ blo, Mọdopolọ, a de depope to aliho etọn lẹ mẹ blo. 3:31

Howhinwhẹn lẹ 4tọ́[jlado | jla asisado]

  • A gbẹ́ nuyọnẹn, dai blo, e nasọ basi hihọ́na we. Yiwanna ẹn, e nasọ họ́ we. 4:6
  • Nuyọnẹn wẹ yin nujọnu hugan, enẹwutu tindo nuyọnẹn, Podọ gbọnvona nuhe hiẹ tindo lẹpo,sọ tindo nukunnumọjẹnumẹ.

4:10

  • Ṣigba, ali dodonọ tọn taidi hinhọ́n afọnnu tọn he nọ họnwun Bosọ nọ to wunhọ́n dogọ kakajẹ owhè ṣádada mẹ. 4:18
  • Hú nuhe a nọ basi hihọ́na lẹpo, nọ họ́ ahun towe, Na e mẹ wẹ asisa ogbẹ̀ tọn lẹ nọ wá sọn. 4:23

Howhinwhẹn lẹ 6tọ́[jlado | jla asisado]

  • Yì adidẹ́ dè, hiẹ adidọnọ; Doayi nuyiwa etọn lẹ go bo lẹzun nuyọnẹntọ. Dile etlẹ yindọ e ma tindo awhàngán daho, anademẹtọ kavi ogán depope, E nọ wleawuna núdùdù etọn to alunlun mẹ, E sọ nọ bẹ núdùdù etọn pli to jibẹwawhé whenu. 6:6-8

Howhinwhẹn lẹ 8tọ́[jlado | jla asisado]

Be nuyọnẹn ma to awhádo ya? Be wuntuntun ma to gbèzeyiaga ya? To ofi yiaga lẹ to alitó, E nọ nọte to aliklan lẹ ji. Sẹpọ họngbo he biọ tòdaho lọ mẹ lẹ, Yèdọ họntonu lẹ wẹ e te, Bo to awhádo mapote po ogbè lélé po dọmọ: “Mì gbẹtọ lẹ emi, mìwlẹ ylọ wẹ n’te; Yẹn ze ogbè yiaga hlan mẹlẹpo. Wunvinọ lẹ emi, mì plọn zinzin; Nulunọ lẹ emi, mì tindo nukunnumọjẹnumẹ ahún mẹ tọn. Mì dotoai, na nuhe dọ n’te yin nujọnu, Nuhe sọgbe wẹ nùflo ṣie lẹ to didọ; Na onù ṣie nọ dọ nugbo tọ́n po ogbè dẹẹdẹ po, Podọ nùflo ṣie lẹ gbẹwanna oylan.  Nuhe nọ tọ́n sọn onù ṣie mẹ lẹpo wẹ yin dodo. Depope to yé mẹ ma yin ohó mẹbublu kavi oklọ tọn. Ohó jijlọ lẹ kẹdẹ wẹ yé yin to nukun mẹhe tindo wuntuntun tọn mẹ Bosọ sọgbe to nukun mẹhe ko dín oyọnẹn mọ lẹ tọn mẹ. Kẹalọyi mẹplọnlọ ṣie kakati nido yin fataka, Podọ oyọnẹn kakati nido yin sika dagbe hugan, Na nuyọnẹn pọnte hú aṣápán lẹ; Nudagbe devo depope ma gán yin yiyijlẹdo e go. Yẹn wẹ nuyọnẹn, bọ n’nọ zọnpọ hẹ zinzin; N’ko mọ oyọnẹn po nugopipe nulẹnpọn tọn po.  Budisi Jehovah zẹẹmẹdo nado gbẹwanna oylan. N’gbẹwanna mẹdezizedaga, goyiyi, aliho ylankan po ohó he gblezọn lẹ po. N’tindo ayinamẹ dagbe po nuyọnẹn yọ́n-na-yizan po; Nukunnumọjẹnumẹ po huhlọn po sọ tin to dè e. 8:1-14