Isaia
Isaia יְשַׁעְיָהוּ Yəšạʻyā́hû ("Yahweh wẹ whlẹngán") nọgbẹ nudi owhe 2700 die wayi bo yin yẹwhegán de to Juda owhe kanweko-ṣinatọntọ JWM(Jẹnukọnna whemítọnnu) tọn. Isaia na avase omẹ Islaeli tọn lẹ nado lẹkọ do Yahweh de, e yọ́n nuhahun he mẹ omẹ paa lẹ tin te bo nọ dọho gando aliho he mẹ yé nọ yin nuyiwa hẹ te mẹ go.
Owe Isaia tọn (c. 800–500 JWM)
[jlado | jla asisado]- Hoyidọ Isaia tọn lẹ sọn Owe Isaia tọn mẹ
- Mì lawú, na mì ni wé, mì dè azọ́n ylankan mítọn sọn nukọn na mi; do alọ oylan wiwà tọn ote Mì plọn dagbe wiwà, mì din whẹ̀dida, mì gọalọna mẹhe yè sinawúna, mì dawhẹ̀ tọsiọvi lẹ tọn, yí owhẹ̀ asusiọsi tọn dọ.
- To enẹgodo to azán podo gbè, yè na yí yonu owhé OKLUNỌ tọn hẹnai to aga osé daho lẹ tọn ji, yè na sọ ze e yì oji hú osé pẹvipẹvi lẹ; akọta lẹ na sọ lìn biọ é mẹ. Gbẹtọ susu wẹ na yì bo na dọmọ, mì wá na mí ni yì osé OKLUNỌ tọn ji, yìowhé Jiwheyẹwhe Jakob tọn tọn gbè; ewọ na sọ plọn ali etọn mí, mí na sọ zinzọnlin to omó etọn mẹ, na Ziọni wẹ osén na tọ́nsọn yì, ohó OKLUNỌ tọn sọn Jelusalẹm. E na dawhè to akọta lẹ ṣẹnṣẹn, é na wọhẹ omẹ susu: yé na sọ yí ohi yetọn do tùn agbogọdọẹ: akọta ma to na zé ohi do akọta ji bà, mọ yé ma to na plọ́n awhànfun bà.
- Ajalẹn po violi po, kele, ován po vẹ̃nhàn po sọ tin to núdùdù yetọn kòn: ṣigba yé ma hò azán OKLUNỌ tọn pọ́n, mọ yé ma lẹn azón alọ etọn mẹ tọn pọ́n. Enẹwutu omẹ ṣie lẹ yì kanlinmọgbénu, na yé ma tindo nuyọnẹn: gbẹtọ yẹyinọ yetọn lẹ gblekan, susu yetọn sọ hú na sìnnùgbla. Enẹwutu okútòmẹ ko na otẹn ede, bo sọ kè onù etọn zè ojlẹ go: gigo yetọn, po susu yetọn po, aṣọ yetọn, po yé he to ayajẹ lẹ po na jẹte do e mẹ. Yè na zín omẹ vọnu lẹ dai, yè na whiwhẹ asuka lẹ dai, yè na sọ whiwhẹ nukun goyítọ tọn dai. Ṣigba OKLUNỌ awhànpa lẹ tọn wẹ yè na zé daga to whẹ̀dida mẹ, podọ Jiwheyẹwhe Omẹ Wiwe Dopo lọ na sọ yín klandowiwe to dódó mẹ.
- Dindòn wẹ na yé he to oylan ylọ dọ dagbe lẹ, bo to dagbe ylọ dọ oylan, he yí zinvlu do hinhọ́n tẹnmẹ, bo yí hinhọ́n do zinvlu tẹnmẹ; he yí vivó do vivi tẹnmẹ, bo sọ yí vivi do vivó tẹnmẹ. Dindòn wẹ na yé he yín nuyọnẹntọ to nukun yede tọn mẹ, bo sọ yín mẹzìnzìn to nukun yede tọn mẹ.
- Yẹn mọ OKLUNỌ sinai to ofìn he yì aga ji, ehe fọ́n yì oji, asọvọ̀ etọn gọ́ tẹmpli mẹ. Selafin lẹ nọte to aga etọn, dopodopo tindo awà ṣidopo; é yí awe sinyón nukunmẹ etọn, bo yí awe sinyón afò etọn, bo sọ yí awe do zinzlọn. Odé dawhá hlan awetọ, dọmọ,
- "Wiwe, wiwe, wiwe wẹ OKLUNỌ awhànpa lẹ tọn;
- aihọn lẹpo gó na gigo etọn."
- Dòtin ohọ̀n tọn whàn na ogbè ewọ he dawhá tọn, ohọ̀ lọ sọ gọ́ na azọ̀.
- "Dindòn wẹ yẹn na yẹn pòta; na yẹn basi omẹ nùflo mawenọ, yẹn sọ tin to ṣẹnṣẹn omẹ nùflo mawenọ lẹ tọn: na nukun ṣie ko mọ ahọlu, OKLUNỌ awhànpa lẹ tọn. Whenẹnu wẹ dopo to selafin lẹ mẹ zlọn wá dẽ, é hẹn mìyọnkán to alọ etọn mẹ, he e yí obó do dè sọn agbà lọ ji. E yí i do onù ṣie go, bo dọmọ, dayi e go, ehe ko jẹ nùflo towe go; yè bẹ́ ylankan towe sẹ, yè sọ klọ ylando towe sẹ.
- E sọ dọmọ, yì bo dọ na omẹ helẹ, dọmọ,
Mì sisè nugbo, ṣigba mì ma tunwun;
mì mimọ nugbo, ṣigba mì ma yọ́nẹn.
Hẹn ayiha omẹ helẹ tọn tliji,
bo hẹn otọ́ yetọn pọ́n,
sú nukun yetọn
na yé nikã yí nukun yetọn do mọ,
bo sọ yí otọ́ yetọn do sè,
na yé niká yí ayiha yetọn do yónẹn,
na yé niká diọ,
na yè nikã hẹnazọ̀ngbọna yé.
- Podọ di kẹnetin otù ehetọn tin to yé mẹ, whenuena amà yetọn jà kọyingbó: mọwẹ okún wiwe lọ na yín otù to yé mẹ.
- Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.
- Jideji huhlọn gandudu etọn tọn Po jijọho etọn po ma na wá vivọnu gbede.
- DINDON wẹ hlan yé he to osén mawàdódó tọn doai, podọ hlan wékantọ he to owó okà tọn wlan lẹ. Nado lẹ́ wamọnọ sọn whẹ̀dida mẹ, podọ nado lé onú dódó tọn sọn wamọnọ omẹ ṣie lẹ tọn de, na asusiọsi lẹ nido yín dùdù na yé, podọ na yé nido jajo do tọ́ṣiọvi lẹ Bé etẹwẹ mì na basi to azán mẹlapọn tọn gbè, podọ sọn gbigbà he na wá sọn ofi dindẹn tọn? bé mẹnu wẹ mì na hòn yì sù na alọgọna? fie wẹ ím na jo gigo mítọn do?
- Ewọ nasọ nọ mọ awuvivi to budisi Jehovah mẹ. E ma na nọ dawhẹ sọgbe hẹ awusọhia nukunta tọn, Kavi wọhẹmẹ to dodonu nuhe e sè poun lẹ tọn ji. E na nọ dawhẹ jijlọ na agbátọnọ, E nasọ nọ yí dodowiwa do wọhẹmẹ do ota homẹmimiọnnọ aigba ji tọn lẹ tọn mẹ. E na yí opò he to onù etọn mẹ do linú aigba Bosọ yí gbigbọ nùflo etọn lẹ ji tọn do hù mẹylankan lẹ. Dodowiwa wẹ na yin gbànnú he e na sìn do alinkàn, Podọ nugbonọ-yinyin wẹ na yin gbànnú adàja etọn mẹ tọn.
- Jehovah awhànpa lẹ tọn ko whlé dọmọ: “Kẹdẹdile yẹn ko lẹn do, mọ wẹ e na jọ do, Podọ kẹdẹdile yẹn ko basi nudide etọn do, mọ wẹ e na yin hinhẹndi do.
- Mì gbọ mi ni to dùdù, bo sọ to nùnù, na, osọ̀ wẹ mí na kú.
- MÌ miọnhomẹna omẹ ṣie lẹ, mì miọnhomẹna yé, wẹ Jiwheyẹwhe mitọn dọ. Mì dọ ohó homẹmiọn tọn hlan Jelusalẹm, bo dawhá hlan ẹn, dọ awhànfunfun etọn vọ̀, yè sọ jó ylando etọn nẹ̃ na é ko mọyí do ogbóawejì sọn alọ OKLUNỌ tọn mẹ na ylando etọn lẹpo.
- Ṣigba mẹhe nọtepọ́n OKLUNỌ lẹ na vọ́ huhlọn yetọn jlado; yé na yí awà do hó aga di akùn; yé na dowezun, onú ma na dikọna yé; yé na zinzọnlin, bo ma na yọ́n nudikọ.
- ṢIGBA dinvie le wẹ OKLUNỌ dọ, mẹhe da we hiẹ Jakob, podọ ewọ mẹhe do we hiẹ Islaeli dọmọ,
- A dibu blo: na yẹn ko fli we gò, yẹn ko yí oyín towe do ylọ we.
- Whenuena hiẹ gbọn osìn mẹ jei, yẹn na tin họ we, to otò lẹ ṣẹnṣẹn yé ma to na ṣinyọn oji we.
- Whenuena hiẹ to zọnlinzin to ṣẹnṣẹn mìyọn tọn, hiẹ ma na fiọ; mọ mìyọnlọ ma na gbó do ogo we.
- Adánwanu depope he yin awuwlena sọta we ma na tindo kọdetọn dagbe...