Owe Jobu tọn
1:1, King James Version
Owe Jobu tọn yin owe de to Biblu Heblu tọn mẹ. E dọho gando nuhewutu Jiwheyẹwhe jo dotẹnmẹ dote na ylanwiwa to aihọn lọ mẹ gbọn numimọ dawe lọ Jobu tọn dali. Owe lọ yin mimọ to adà "Wekinkan lẹ" tọn mẹ to Biblu Heblu tọn mẹ, podọ e yin owe homilomilo tọn tintan to Alẹnu Hoho Biblu klistiani lẹ tọn mẹ. Weyọnẹntọ lẹ yise dọ e yin kinkan to gblagbla owhe kanweko 7tọ po 4tọ (JWM) po ṣẹnṣẹn.
Hoyidọ lẹ[jlado | jla asisado]
Weta 1[jlado | jla asisado]
- DAWE de tin to aigba Uzi tọn mẹ, oyín mẹhetọn yín Job; podọ dawe nẹ yín pipó jlọjlọ, podọ omẹ he dibusi Jiwheyẹwhe, bo sọ hònsí oylan.
- DAWE de tin to aigba Uzi tọn mẹ, oyín mẹhetọn yín Job; podọ dawe nẹ yín pipó jlọjlọ, podọ omẹ he dibusi Jiwheyẹwhe, bo sọ hònsí oylan. Yè sọ ji visunnu ṣinawe po viyọnnu atèn po hlan ẹn. Kanlinyìnyìn etọn lẹ ga yín lẹngbọ fọtọ́n ṣinawe, kanklosọpóawenọ lẹ fọtọ́n atọ̀n, oyín glepònú tọn lẹ fowekanweko, kẹtẹkẹtẹasi lẹ fowekanweko, pọ whédo daho talala de po; sọmọ bọ dawe he yín mẹkiklo pete to ovi whèzẹtẹn tọn lẹpo mẹ.
- Todin, azán lọ pé bọ visunnu Jiwheyẹwhe nugbo lọ tọn lẹ yì nado sọawuhia to Jehovah nukọn, bọ Satani lọsu wá finẹ. To whenẹnu, Jehovah kanse Satani dọ: “Fie wẹ hiẹ wá sọn?” Satani sọ gblọnna Jehovah dọmọ: “Yẹn nọ to yìyì pé gbọn aigba ji bosọ nọ to dindanpe gbọn e ji.”
- Jobu 1:6-7, NWT
- Jehovah sọ kanse Satani dọmọ: “Be hiẹ ko doayi devizọnwatọ ṣie Jobu go ya? Mẹdepope ma tin he taidi ewọ nkọ to aigba ji. Dawe nugbonọ podọ tenọglinọ de wẹ ewọ, he nọ dibusi Jiwheyẹwhe bo nọ họ̀nna oylan.” To whenẹnu, Satani gblọnna Jehovah dọmọ: “Be tata wẹ Jobu do dibusi Jiwheyẹwhe ya? Be hiẹ ma ko wleawuna opá hihọ́-basinamẹ tọn de lẹdo ewọ po whédo etọn po gọna nuhe e tindo lẹpo ya? Hiẹ ko dona azọ́n alọ etọn tọn bọ kanlin-yìnyìn etọn lẹ ko gbàpe to aigba ji. Ṣigba, nado diọ ninọmẹ lọ, dlẹnalọ towe bo doalọ nuhe e tindo lẹpo go bo pọ́n dọ ewọ ma na zánnu do gowe to nukun towe mẹ ya.” To whenẹnu, Jehovah dọna Satani dọmọ: “Pọ́n! Nuhe e tindo lẹpo tin to alọ towe mẹ. Ṣigba, a doalọ dawe lọ lọsu go blo!” Satani sọ tọ́nyi sọn Jehovah nukọn.
- Whenẹnu wẹ Job tite, bo tlẹn awugbó etọn, bo lùn odà etọn, bo hó flẹ jẹ aigba ji, bo sẹ̀n; é sọ dọmọ, Omẹ́ yén sọn tón wá sọn ohò onọ ṣie tọn mẹ, omẹ́ yẹn na sọ lẹ́gọ̀ dofìnẹ, OKLUNỌ wẹ na, OKLUNỌ wẹ sọ bó yì: donanọ wẹ oyín OKLUNỌ tọn.
Weta 2[jlado | jla asisado]
- To godo mẹ, asi etọn dọna ẹn dọmọ: “Be hiẹ gbẹ́ to tenọgli towe go hẹn janwẹ ya? Gbọ bo zánnu do Jiwheyẹwhe go bo kú!” Ṣigba, ewọ dọna yọnnu lọ dọmọ: “Hiẹ to hodọ taidi yọnnu gugutọ de. Be dagbe kẹdẹ wẹ mí na kẹalọyi sọn Jiwheyẹwhe nugbo lọ dè bo ma na kẹalọyi oylan ga ya?” Mahopọnna nuhe jọ do e go ehe lẹpo, Jobu ma yí nùflo etọn do waylando.
Weta 3[jlado | jla asisado]
- Gbọ azán ehemẹ yè ji mi te ni súdo, Po ozán he dọmọ, Ohò ovi dawe de tọn yín mimọ.
- Etẹwutu wẹ yẹn ma kú sọn adó mẹ? Etẹwutu wẹ yẹn ma jó alindọn do whenuena yẹn to tintón sọn hoto lọ mẹ ja. Etẹwutu wẹ kligonu lẹ do yí mì? Kavi etẹwutu wẹ anó lẹ, na yẹn ni do nó? Na dinvie yẹn do ko mlọn ai bo ko yín abọẹnọ; Yẹn do ko damlọn; whenẹnu wẹ yẹn ko tin ogbọjẹ.
- Kavi di ovi whiwhla jlẹmasọna de yẹn ma ko tin; Di ovivú he ma mọ hinhọ́n gbè de. Finẹ mẹylankan gbò sọn adanjijẹ go; Podọ finẹ gbẹdonọ tin te to ogbọjẹ mẹ.
- Etẹwutu wẹ yè na hinhọ́n hlan ewọ he tin to otapò mẹ, Podọ ogbó hlan vivẹnọ to alindọn mẹ lọ; He jlo okú, ṣigba é ma wá; Bo sọ kùndò nẹ hú na adọkunnu whiwhla lẹ.
Weta 4[jlado | jla asisado]
- Dayi e go, hiẹ ko nọ naplọn mẹ susu, Podọ hiẹ ko sọ nahuhlọn alọ madogannọ lẹ. Ohó towe lẹ ko hẹn ewọ he to aijẹ jlọnọte, Hiẹ ko sọ hẹn kligo he to didẹ́ lọ lódo. Ṣigba dinvie yè hẹn ẹn wá de we, hiẹ bo yín adinọ; E doalọ ogo we, hiẹ bo sọ yín tuklanọ.
- Kẹdẹdile yẹn ko nọ mọ do, yé he pọ ylankan, Bo sọ do dánú, nọ gbèn doponẹ.
Weta 5[jlado | jla asisado]
- Ṣigba yè ji gbẹtọ hlan tukla, Dile sisé lẹ nọ zlọn hlanaga do.
- He wà onú dahodaho lẹ podọ he zẹ dindinmọ go; Onú jawujawu lẹ matin osọha: Mẹhe nọ na jikùn do aigba jí, Bo sọ do osìn lẹ hlan odanji lẹ: Sọmọ bọ é zé enẹlẹ he yín whiwhẹ nọ do aga; Podọ enẹlè he to awubla wẹ yè sọ zédaga hlan gingán mẹ. E hẹn núṣiwà anatọ tọn lẹ zùn ovọ́, Sọmọ bọ alọ yetọn lẹ ma sọgan do onú họakuẹ de. E wle nuyọnẹntọ lẹ to anazọn yetọn titi mẹ: Podọ ohónamẹ tasinyẹntọ lọ tọn wẹ yè sọ́ takitina yì.
Weta 6[jlado | jla asisado]
- WHENẸNU wẹ Job gblọn bo sọ dọmọ, ṣó dọ homẹgble ṣie do yín jijlẹ, Podọ oya ṣie yín zizé dó ojlẹgàn lẹ mẹ dopọ. Na dinvie wẹ é na yín pinpẹ̀nzin hú otọ̀kẹ́n ohù lẹ tọn: Enẹwutu wẹ ohó ṣie lẹ ko do yín whlẹndo. Na ogá Ganhunupo tọn lẹ tin to ohọ̀ ṣie mẹ, Adí ehetọn gbigbọ ṣie nù gọ́hò: Budonamẹ Jiwheyẹwhe tọn lẹ ze yéde do ohaji do oji e.
- Yèdọ é do hùnhomẹ Jiwheyẹwhe nado pọ́tọ́ mi, Dọ ewọ do jokanna alọ etọn, bo sán mi sẹ̀!
- Eté wẹ huhlọn ṣie bọ yẹn na do dòngban? Podọ eté wẹ opòdo ṣie, bọ yẹn na do yín homẹmiọnnọ?
Weta 9[jlado | jla asisado]
- E nọ degbena owhè ma nado zẹ̀ Bo nọ yí hiadonu do tlẹ́ hinhọ́n sunwhlẹvu lẹ tọn; Ewọ lọsu na ede nọ tẹ́ olọn jẹgbonu, Bo nọ zinzọnlin gbọn agbówhẹn daho ohù tọn lẹ ji. Ewọ wẹ wleawuna pipli sunwhlẹvu lẹ tọn he nọ yin Aṣi, Kesili po Kima po, Gọna pipli sunwhlẹvu lẹ tọn he to agahomẹ to hùwaji; E nọ wà onú daho po dinmamọdona lẹ po, Yèdọ nujiawu madosọha lẹ.
Weta 11[jlado | jla asisado]
- Eyin hiẹ na kúkú gbọ bo wleawuna ahun towe Bo dlẹnalọ towe lẹ jẹgbonu hlan ewọ. Eyin nuylankan de wà wẹ alọ towe te, de e do olá, Bo ma dike mawadodo depope ni gbọṣi gòhọ towe lẹ mẹ blo. Na whenẹnu wẹ hiẹ na penugo nado ze nukunmẹ towe daga matin oblọ depope; Hiẹ na penugo nado nọtegli, bo na vò sọn obu si. Na whenẹnu wẹ hiẹ na wọnji tukla towe go; Hiẹ na nọ flin in di osin he ko sà gbọn apá towe wayi poun. Gbẹzan towe na sẹ́ hú owhè ṣádada; Zinvlu etọn lọsu na taidi hinhọ́n afọnnu tọn. Hiẹ na deji, na a tindo todido wutu, Hiẹ nasọ pọ́n nuhe lẹdo we pé lẹpo bo na mlọnai to hihọ́ mẹ. Hiẹ na mlọnai, bọ mẹde ma na dobuna we, Mẹsusu nasọ nọ dín nukundagbe towe.
- ...podọ tódido yetọn na yín ojódo alindọn lọ tọn.
Weta 12[jlado | jla asisado]
- Ṣigba kanbiọ gbekanlin lẹ dinvie, Yé na sọ plọn we; po ohẹ̀ agahomẹ tọn lẹ po, yé na sọ dọ na we: Kavi dọhó hlan aigba, ewọ na sọ plọn we; Podọ whevi ohù mẹ tọn lẹ na dọ hlan we. Menu wẹ ma yọnẹn gbọn ehe lẹpo dali, Do alọ OKLUNỌ tọn wẹ ko wàzón he? Alọ mẹhetọn mẹ alindọn onú gbẹ́te lẹpo tọn te, Po gbigbọ gbẹtọwunme lẹpo tọn po.
- E de wẹ nuyọnẹn po hlọnhlọn po te; Ewọ wẹ tindo hónamẹ po wuntùntùn po.
Weta 13[jlado | jla asisado]
- Yín ewọ tlẹ to hùhù mi, gãnṣo yẹn na nọtepọn ẹn
Weta 14[jlado | jla asisado]
- GBẸTỌ he yè ji sọn yọnnu de mẹ Yín azán lẹ vúde tọn, bo sọ gó na tukla.
- Na otódo atin de tọn tin, eyín yè sán ẹn liai, dọ é na sọ tọ́nkẹ́n, Podọ alàvú etọn ma na doalọte. Yín adò etọn tlẹ dohó to aigba mẹ, Bọ dòdónu etọn sọ kú to aigba mẹ; Gãnṣo gbọn wándidè osìn tọn mẹ é na sọ tónkùn, Bo sọ dè alà lẹ jẹgbonu taidi núdido de. Ṣigba gbẹtọ kú, bọ yé kònyìngbe: Mowẹ, gbẹtọ jó alindọn lọ do, fie wẹ é te? Le osìn lẹ jẹte sọn ohù mẹ do, Bọ otọ̀ sọ nọ jagò bo nọ hú do; Mọ wẹ gbẹtọ mlọnai bo ma sọ tite: Kaka olọn lẹ ma na do sọ tin ba, yé ma na fọ́n, Mọ yè ma na hẹn yé fọ́n sọn amlọn yetọn mẹ.
- Nugbo osé hihó lọ kúpé, Yè sọ sẹtẹnna osé lọ sọn otẹn etọn mẹ; Osìn lẹ hẹn zannu lẹ yòn; Gigọfla etọn lẹ plọ kọ́gudu aigba tọn yì: Hiẹ sọ hẹn otódo gbẹtọ tọn và.
Weta 18[jlado | jla asisado]
- Mọwẹ, Yè na hò hinhọ́n mẹylankan lẹ tọn ṣi, Podọ odédè miyọn etọn tọn ma na tahinhón gba.
- Yè na hẹn adọ̀ etọn lẹ hú to oglọ, Podọ to aga yè na hẹn alà etọn wlo. Oflin etọn na súdo sọn aigba mẹ, Ewọ ma na sọ tindo oyín de to aligboji. Yè na yàn ẹn sọn hinhọ́n mẹ biọ zinvlu mẹ, Bo sọ dozọ̀n nẹ̃ tọ́n sọn aihọn mẹ. E ma na tindo visunnu kanvi sunnu visunnu tọn de to omẹ etọn lẹ ṣẹnṣẹn, Kavi depope pòai to fie é wáwáṣi te Yé he nọnọ̀ whèyìhọwaji lẹ yín awújinọ do azán etọn go, Dile yé he nọnọ̀ whèzẹtẹndali lẹ hẹn ahlinhọn go do. Nugbo enẹnkọ wẹ onọ̀tẹn mawàdó dónọ lẹ tọn lẹ, Ehe sọ wẹ otẹn ewọ he ma yọ́n Jiwheyẹwhe tọn.
Weta 19[jlado | jla asisado]
- Na yẹn yọnẹn dọ whẹ yídomẹjitọ ṣie to ogbẹ̀, Podọ ewọ na ṣite to sọgodo to aigba ji: Podọ ehegodo ayú ṣie ko yín vivà, ehe na yín, Yèdọ sọn agbasalan ṣie mẹ wẹ yẹn na mọ Jiwheyẹwhe:
- Mì ni yín avọ̀satọ ohi lọ tọn; Na homẹgble wẹ nọ hẹn yadonamẹ ohi tọn lẹ wá, Na mì nido yọnẹn dọ whẹ̀dida de tin.
Weta 20[jlado | jla asisado]
- Hie ma yọ́n ehe sọn hóhó whenu, Whenuena yè ko dotẹnna gbẹtọ do aigba gbọn, Dọ ogli wẹ adanṣàn mẹylankan tọn, Podọ ayajẹ omẹ matin budisi Jiwheyẹwhe na owhènu de wẹ?
Weta 23[jlado | jla asisado]
- Na ewọ yọ́n aliho he tin to dẽ; Whenuena ewọ ko whle mi pọ́n, Yẹn na tọ́n wá di sika.
Weta 27[jlado | jla asisado]
- Gbọfufu ṣie tin to ohò ṣie mẹ to whepoponu Podọ gbigbọ Jiwheyẹwhe tọn tin to awọntinslo ṣie lẹ mẹ; Nugbonugbo nùflo ṣie lẹ ma dọhó mawàdódó gba, Mọ odẹ́ ṣie ma to oklọ dọ gba.
- Kaka yẹn kú yẹn ma na dè wàlọpipé ṣie sọn dẽ gba.
- Dódó ṣie go yẹn hẹn gligli, bo ma na dike é ni yì gba: Ayiha ṣie ma sọ dowhẹ́ mi na azán ṣie lẹ depope.
- Ehe wẹ mimá omẹ ylankan de tọn to Jiwheyẹwhe de, Podọ oyẹ́ nukunbianamẹtọ lẹ tọn, he yé mọyi sọn Ganhunupo de. Eyin yè hẹn ovi etọn lẹ yín jideji, ohi lọ wẹ é tin na; Podọ yè ma na yí akla do pékọna ovìkún etọn lẹ gba. Enẹlẹ he pò sọn yé mẹ wẹ yè na di to okú mẹ, Asúṣiọsi etọn lẹ ma to na basi avigbè de. Yín é tlẹ bẹ́ fataka pli di kógudu, Bo sọ wleawu avọ́ tọn di okò; Ewọ ni wleawu nẹ̃ ṣigba dódónọ wẹ na yí i do ogu, Homẹvọnọ lẹ wẹ na má fataka lọ. Ewọ dó ohọ́ etọn di tọ́gbóyẹyẹ, Podọ di avàja he hihótọ basi de. E mlọnai adọkunnọ, ṣigba ewọ ma to mọ na sọ wà ba; E hùn nukun etọn lẹ, ewọ ma sọ tin gba. Obudaho gbòmọna ẹn taidi osìn lẹ; Jẹhọndaho fìn in yì to ozán mẹ. Jẹhọn whèzẹtẹn dali tọn bẹ́ ẹ yì, ewọ sọ tọ́nyì; E sọ zà ẹ tọ́n sọn otẹn etọn mẹ. Na Jiwheyẹwhe na dlannúdo e, bo ma na pòdote: Ewọ do hùnhomẹ họ̀nyí sọn alọ etọn mẹ. Gbẹtọ lẹ na hòpó do ota nẹ̃, Bo na dèafudo e sọn otẹn etọn mẹ.
Weta 29[jlado | jla asisado]
- Ṣó dọ yẹn do tin di to osùn hóhó tọn lẹ mẹ, Di to azán lẹ mẹ whenuena Jiwheyẹwhe to hihó mi, Whenuena zogbán etọn to sisẹ́ to ota ṣie ji, Podọ gbọn hinhọ́n etọn dali yẹn to zọnlinzin gbọn zinvlu mẹ;
- Na whenuena otọ́ sègbè ṣie, whenẹnu wẹ é to didona mi; Podọ whenuena nukun mọ mi, é to kunnude hlan mi: Na yẹn whlẹn wamọnọ he to awhádo wutu, Otọ́siọvi ga, po ewọ he ma tindo mẹde nado goalọ nẹ̃ po. Odona ewọ he tin alọji nado súdo tọn wá oji e: Yẹn sọ hẹn ayiha asúṣiọsi tọn nado jihàn na ayajẹ. Yẹn yí dódó do ogo, é sọ yí mi do ṣinyọ̀navọ̀na ede: Dódó ṣie tin di otewu de po otabla de po. Nukun lẹ wẹ yẹn hlan nukuntọ́nnọ lẹ lọ, Afọ lẹ sọ wẹ yẹn hlan sẹ́kúnọ lẹ lọ. Otọ́ de wẹ yẹn hlan agbátọnọ; Podọ owhẹ̀hó he yẹn ma yọnẹn yẹn nọ dinmọ. Yẹn wọ́n adúsó mawàdódónọ tọn lẹ, Bo sọ dọ̀n nuyànwẹnna lọ sùn sọn adú etọn lẹ mẹ. Whenẹnu wẹ yẹn dọmọ, Yẹn na kú po adọ ṣie po, Podọ yẹn na sọ hẹn azán ṣie sudeji di finiksi lọ. Yè hùn adọ̀ ṣie jẹgbonu gbọn osìn lẹ dali, Ahún sọ jà do alà ṣie ji to ozán lẹpo mẹ: Gigo ṣie yín yọ́yọ́ to ohò ṣie mẹ, Yè sọ hẹn ogá ṣie jẹyọ́yọ́ to alọ ṣie mẹ. Yẹn wẹ gbẹtọ lọ nọ na otọ́ hlan, bo nọ nọtepọ́n, Bo sọ nọ nabọẹ na hónamẹ ṣie. To ohó ṣie lẹ godo yé ma sọ nọ vọ́ hódọ gba; Ohógbè ṣie sọ nọ kùn do yé ji. Yé nọ nọtepọ́n mi di na jikun lọ; Yé sọ nọ kẹ́ onù yetọn gblo di na jikunjavọ̀ lọ. Yẹn nọ kònu do yé whenuena yé ma tindo nudotudego de; Podọ hinhọ́n nukunmẹ ṣie tọn wẹ yé ma sọ sọgan hẹn kúṣiọ Yẹn dè aliho yetọn bo sọ sinai di ogán, Bo sọ nọ nò awhànfuntọ lọ mẹ di ahọlu de, Di odẹ he to homẹmiọnna awublanọ lẹ.
Weta 32[jlado | jla asisado]
- E ma yín mẹkiklo lẹ wẹ yín nuyọnẹntọ, Mọ é ma yín mẹwhinwhẹ́n wẹ nọ tùnwun whẹ̀dida gba.
- Yẹn vẹ́ mì, mì dike yẹn hò nukunta gbẹtọ depope tọn pọ́n blo; Mọ yẹn ma sọ to na na kikó ovivlẹ tọn lẹ hlan mẹdepope gba. Na yẹn ma yọ́n nado namẹ kikó ovivlẹ tọn lẹ gba; Mọwìwà mẹ Mẹdatọ ṣie do zé mi yì plaun.
Weta 36[jlado | jla asisado]
- Mọwẹ, Jiwheyẹwhe klohu nuhe mí sọgan lẹn; Sọha owhe etọn tọn zẹ̀ nuhe yè sọgan mọnukunnujẹemẹ go.
Ewọ nọ dọ̀n kùnkùn osin tọn lẹ daga;
Yé sọ nọ hòpli bo nọ lẹzun jikun sọn avìvì etọn mẹ;
Enẹgodo, aslọ nọ ja ẹ kọnyin kọmẹ;
E nọ ja do gbẹtọvi lẹ ji.
Be mẹde sọgan mọnukunnujẹ dindlẹn aslọ tọn mẹ,
Kavi nudidọ hẹviosò tọn sọn gòhọ etọn mẹ ya?
Pọ́n lehe e dlẹn abì etọn do e ji
Bosọ ṣinyọnnudo hùzànmẹ do.
Gbọn ehelẹ gblamẹ wẹ e nọ hẹn gbẹtọ lẹ dogbẹ̀;
E nọ na yé núdùdù susugege.
Weta 37[jlado | jla asisado]
- Be hiẹ yọ́n lehe Jiwheyẹwhe nọ deanana aslọ lẹ do
Podọ lehe ewọ nọ hẹn abì gbòdlán sọn aslọ etọn mẹ do ya?
Be hiẹ yọ́n lehe aslọ lẹ nọ wagbọn do nọ sẹ́gẹ́sẹgẹ to agahomẹ ya?
Azọ́njiawu Mẹlọ he yin pipé to nuyọnẹn mẹ tọn wẹ ehelẹ.
Weta 38[jlado | jla asisado]
- WHENẸNU we OKLUNỌ gblọnna Job sọn jẹhọnahizi mẹ, bo dọmọ, Mẹnu wẹ ehe he hẹn hónamẹ dozinvlu. Gbọn ohó matin oyọnẹn lẹ dali? Yí homẹbla do bla adaja towe lẹ taidi sunnu de: Na yẹn na biọ sọn de we, hiẹ ni bo sọ dọtón hlan mi. Fie wẹ hiẹ te whenuena yẹn do odòdo aigba tọn lẹ ai? Dọtón, eyín hiẹ yón wuntùntùn. Mẹnu wẹ dodògbo ojlẹ etọn lẹ tọn, eyín hiẹ yọnẹn? Kavi mẹnu vẹ dlẹn okàn do e ji? Eheji yè hẹn oslò etọn lẹ nado biọ? Kavi mẹnu wẹ do zannu lọnglọnẹn etọn tọn; Whenuena sunwhlẹvu afọnnu tọn lẹ to hànji dopọ, Bọ visunnu Jiwheyẹwhe tọn lẹpo to abóbodo na homẹhùn?
- Bo dọmọ, File wẹ hiẹ na wá jẹ, sẹ́donukọn de tin blo; Podọ ofi wẹ agbowhẹ̀n saklanọ towe lẹ na yín hẹndote te.
- Awà tẹ ji wẹ hinhọ́n nọ nọ̀? Podọ fie wẹ yin nọtẹn zinvlu tọn?
Weta 40[jlado | jla asisado]
- HUMỌ OKLUNỌ sọ gblọnna Job bo dọmọ, Bé ewọ he nọ dònnú na ka hòavùn hẹ Ganhunupo wẹ? Ewọ he to hódọ̀n hẹ Jiwheyẹwhe, gbọ ewọ ni gblọn ẹn. Whenẹnu wẹ Job gblọnna OKLUNỌ, bo dọmọ, Dayi e go, yẹn ma yín nútalala de gba: etẹ́ wẹ yẹn na gblọnna we? Yẹn yí alọ ṣie do onù ṣie ji.
- Yèdọ bé hiẹ na hẹn whẹ̀dida ṣie vó wẹ? Bé hiẹ na gblewhódo mi, na hiẹ nido yín whẹ̀sunanọ wẹ?
Weta 42[jlado | jla asisado]
- Yẹn ko sè linlin towe gbọn sisè otó tọn dali; Ṣigba dinvie nukun ṣie ko mọ we. Enẹwutu yẹn sì dẽ, bo sọ lẹnvọjọ to Kọ́udu po afín po mẹ.
- Mowẹ OKLUNỌ dona ogbẹ̀ godo Job tọn sù hú whẹwhẹwhenu etọn: ewọ sọ tindo lẹngbọ fọtọ́n wiẹnẹ, po kanklosọpóawenọ fọtọ́n ṣidopo po, po oglepònu oyín tọn fọtọ́n dopo po, po kẹtẹkẹtẹ asi fọtọ́n dopo po. E sọ tindo visunnu ṣinawe po viyọnnu atọ̀n po ga.
- Podọ to aigba lẹpo ji yè ma mọ yọnnu whanpẹnọ mọnkọ di viyọnnu Job tọn lẹ de gba: otọ́ yetọn sọ na ogú yé to mẹmẹsunnu yetọn lẹ ṣẹnṣẹn Podọ to ehe godo Job nọgbè owhè kantọ̀nko; bo sọ mọ visunnu ètọn lẹ po visunnu visunnu etọn lẹ tọn lẹ po, yèdọ whẹndo ẹnẹ. Mowẹ Job kú, yínyín mẹwhinwhẹ́n bo sọ gọ́ na azán lẹ.