Jump to content

Wekanhlanmẹ Awetọ Hlan Kọlintinu Lẹ

Sọn Wikiquote

Wekanhlanmẹ Awetọ Hlan Kọlintinu Lẹ wẹ yin owe ṣiantọntọ́ alẹnu yọyọ tọn.

Hoyidọ delẹ sọn owe lọ mẹ[jlado | jla asisado]

  • Na mí ma yin ohó Jiwheyẹwhe tọn sàtọ lẹ dile mẹsusu nọ wà do, ṣigba po ahundoponọ-yinyin po wẹ mí to hodọ dile Jiwheyẹwhe do mí hlan do, mọwẹ, to Jiwheyẹwhe nukọn podọ to kọndopọ mẹ hẹ Klisti. 2:17
  • Na eyin nuhe na busẹ lọ wá to gigo mẹ, nẹmunẹmu wẹ gigo nuhe na gbọṣi aimẹ lọ tọn. To whenuena e yindọ mí tindo todido mọnkọtọn, mí to awuvivo hodidọ tọn daho de yizan. 3:11-12
  • Fie gbigbọ Jehovah tọn te, mẹdekannujẹ nọ tin to finẹ. Podọ mímẹpo, to whenue nukunmẹ mítọn he ma tindo nukunmẹṣinyọnnu do gigo Jehovah tọn hia taidi mẹpọ́nnu lẹ, mí nọ yin adàdiọna nado yin apajlẹ dopolọ sọn gigo de mẹ jẹ gigo he klohu mẹ.3:17-18'’
  • Jiwheyẹwhe nukọn, mí nọ do mídelẹ hia gbẹtọ lẹpo to aliho he na dọ̀n ayihadawhẹnamẹnu yetọn dogo de mẹ gbọn nugbo lọ hinhẹn họnwun dali.4:2
  • Na Jiwheyẹwhe wẹ mẹlọ he dọmọ:Gbọ hinhọ́n ni họnwun sọn zinvlu mẹ, podọ ewọ ko họnwun do ahun mítọn lẹ ji nado yí oyọnẹn gigonọ Jiwheyẹwhe tọn do họ́n do yé ji gbọn nukunmẹ Klisti tọn dali.4:6
  • Ṣigba, míwlẹ tindo adọkunnu ehe to núzinzan okọ́ tọn lẹ mẹ, na huhlọn he hú jọwamọ tọn nido sọgan yin Jiwheyẹwhe tọn bọ e ma yin mítọn titi gba. Mí yin finfinyọ́n sinsinyẹn to aliho lẹpo mẹ, ṣigba mí ma yin ginglọn mlẹnmlẹn ma nado sẹtẹn gba; mí jẹflumẹ, ṣigba e ma yindọ mí ma tindo ali họ̀ngán tọn depope wẹ gba; mí yin homẹkẹndo, ṣigba mí ma yin gbigbẹdai; mí yin zinzindai, ṣigba mí ma yin huhusudo. whepoponu wẹ mí nọ doakọnna nuyiwahẹmẹ he nọ hẹn okú wá he Jesu jiya etọn to agbasa mítọn mẹ, na ogbẹ̀ Jesu tọn nido sọgan yin hinhẹn sọawuhia to agbasa mítọn mẹ ga. 4:7-11
  • Enẹwutu, mí ma gbọjọ, ṣigba eyin gbẹtọ he mí yin to gbonu tlẹ to kukupẹ́, e họnwun dọ gbẹtọ he mí yin to homẹ to yinyin hinhẹn jẹ yọyọ egbesọegbesọ. 4:16
  • Dile mí ze nukun mítọn lẹ, e ma yin do nuhe nọ yin mimọ lẹ ji, ṣigba do nuhe ma nọ yin mimọ lẹ ji. Na nuhe nọ yin mimọ lẹ yin ojlẹ gli tọn, ṣigba nuhe ma nọ yin mimọ lẹ yin madopodo.4:18
  • Eyin mẹdepope tin to kọndopọ mẹ hẹ Klisti, ewọ yin nudida yọyọ de; onú hoho lẹ ko juwayi; mì pọ́n! onú yọyọ lẹ ko wá aimẹ. 5:17
  • Enẹwutu, míwlẹ wẹ afọzedaitọ lẹ he to otẹn Klisti tọn mẹ, taidi dọ Jiwheyẹwhe to vẹvẹ gbọn míwlẹ gblamẹ nkọtọn. Taidi mẹhe to otẹn Klisti tọn mẹ lẹ, mí vẹvẹ dọmọ: “Mì gbọwhẹ hẹ Jiwheyẹwhe. 5:20
  • Pọ́n! Din wẹ ojlẹ alọkẹyi tọn lọ na taun tọn. Pọ́n! Din wẹ azán whlẹngán tọn lọ. 6:2
  • Na awubla to aliho Jiwheyẹwhe tọn mẹ nọ dekọtọn do lẹnvọjọ he nọ hẹn whlẹngán wá mẹ, bọ ehe ma nọ vẹnamẹ; ṣigba awubla aihọn tọn nọ dekọtọn do okú mẹ.7:10
  • Eyin yẹn dona doawagun, be nuhe nọ do madogán ṣie hia lẹ mẹ wẹ yẹn na doawagun te.11:30
  • Ṣigba, e dọna mi dọmọ: “Nukundagbe majẹhẹ ṣie ko pé we, na huhlọn ṣie to yinyin hinhẹn zun pipé to madogán towe mẹ.” Enẹwutu, yẹn na yí ayajẹ daho do doawagun gando madogán ṣie lẹ go, na Klisti tọn nido sọgan gbọṣi ji e taidi gòhọ de. 12:9

Nọtẹn dopedido tọn devo lẹ[jlado | jla asisado]