Jump to content

Wekanhlanmẹ Hlan Filipinu Lẹ

Sọn Wikiquote

Wekanhlanmẹ Paulu po Timoti po tọn hlan Filipinu lẹ he yin yinyọnẹn to kleun mẹ di Filipinu lẹ yin owe Biblu tọn widopotọ to alẹnu yọyọ mẹ.

Hoyidọ delẹ sọn Owe lọ mẹ[jlado | jla asisado]

  • Podọ ehe wẹ odẹ̀ he yẹn nọ hò to whepoponu, dọ owanyi mìtọn ni nọ to susudeji dogọ to pọmẹ hẹ oyọnẹn he pegan po wuntuntun mlẹnmlẹn po.

1:9-10

  • Na nugbo tọn, yẹn na gbẹ́ to ayajẹ zọnmii, na yẹn yọnẹn dọ ehe na dekọtọn do whlẹngán ṣie mẹ gbọn ovẹvivẹ mìtọn po alọgọ gbigbọ Jesu Klisti tọn po tọn gblamẹ. Ehe tin to kọndopọ mẹ hẹ nukundido vẹkuvẹku po todido ṣie po dọ winyan ma na hù mi to aliho depope mẹ, ṣigba dọ to awuvivo hodidọ tọn lẹpo mẹ, Klisti na yin gigopana gbọn agbasa ṣie dali todin, dile e ko nọ saba yin do, vlavo gbọn ogbẹ̀ ṣie gblamẹ kavi gbọn okú ṣie gblamẹ. Na yẹn tọn, eyin yẹn to ogbẹ̀, yẹn to ogbẹ̀ na Klisti, podọ eyin yẹn kú, ale de wẹ e yin na mi. 1:18-21
  • To whelọnu lo, whedepopenu he tulinamẹ de tin to Klisti mẹ, whedepopenu he homẹmiọnnamẹ owanyi tọn de tin, whedepopenu he gbigbọ mẹtọnhopọn tọn de tin, whedepopenu he owanyi sisosiso po awuvẹmẹ po de tin, mìwlẹ ni nọ hẹn

ayajẹ ṣie gọ́ gbọn linlẹn dopolọ po owanyi dopolọ tintindo po dali bo nọ tin to kọndopọ mẹ mlẹnmlẹn bosọ nọ tindo linlẹn dopolọ. 2:1-2

  • Mì yí wiwọ́ kavi glòlò-jijlá do wà nudepope blo, ṣigba mì nọ gbọn whiwhẹ dali pọ́n mẹdevo lẹ dọ yé yiaga hú mì, bo ma nọ ze ayidonugo do ale mẹdetiti tọn mìtọn lẹ kẹdẹ ji, ṣigba do ale mẹdevo lẹ tọn ji ga.2:3-4
  • Jesu Klisti jo nulẹpo do bo taidi afanumẹ de bosọ lẹzun gbẹtọ.2:7
  • Mì nọ yí obu po sisọsisọ po do to azọ́nwa na whlẹngán mìtọn titi. 2:12
  • Mì nọ to nulẹpo wà matin hùnhlún po nudindọn lẹ po, na mì nido sọgan yin madoblọnọ po homẹvọnọ po, yèdọ ovi Jiwheyẹwhe tọn lẹ he ma tindo oblọ to whẹndo jijọ gbíngbánnọ po bublunọ de po ṣẹnṣẹn, mẹhe ṣẹnṣẹn mìwlẹ to wunhọ́n te taidi hinhọ́n lẹ to aihọn lọ mẹ. 2:14-15
  • Humọ, na nugbo tọn, na ehe tọn wutu wẹ yẹn pọ́n nulẹpo hlan di onú gúgú, na yẹyi daho hugan oyọnẹn Klisti Jesu Oklunọ ṣie tọn wutu. Na ewọ tọn wutu wẹ yẹn ko gbẹkọ nulẹpo go podọ yẹn pọ́n yé hlan taidi ogbó, na yẹn nido sọgan duale Klisti tọn.3:8
  • Mẹsusu wẹ to zọnlinzin di kẹntọ yatin Klisti tọn lẹ. Vasudo wẹ to tenọpọn yé, adọ̀go yetọn sọ wẹ yẹwhe yetọn, bọ yé nọ mọ gigo to nuhe dona huwinyan na yé lẹ mẹ, podọ yé nọ ze ayiha yetọn do onú aigba ji tọn lẹ ji. 3:18-19
  • Ṣigba, olọn mẹ wẹ tòvi-yinyin mítọn te, podọ finẹ wẹ mí sọ yí jejejininọ do to tenọpọn mẹwhlẹngántọ de sọn, yèdọ Oklunọ Jesu Klisti, mẹhe na diọ agbasa mítọn he yìdo lọ zun agbasa gigonọ etọn nkọ gbọn huhlọn daho etọn he nọ hẹn ẹn penugo nado hẹn nulẹpo zun mẹmẹglọ na ede dali.3:20-21
  • To nulẹpo mẹ, yẹn tindo huhlọn lọ gbọn mẹlọ he nọ na mi huhlọn dali.

4:13

Nọtẹn dopedido tọn devo lẹ[jlado | jla asisado]