Jump to content

Wekanhlanmẹ Hlan Galatianu Lẹ

Sọn Wikiquote

Wekanhlanmẹ hlan Galatianu lẹ yin owe wiẹnẹtọ́ alẹnu yọyọ tọn. E yin wekanhlanmẹ Paulu Apọsteli tọn hlan Klistiani he tin to agbegbe Galatia tọn lẹ.

Hoyidọ delẹ sọn owe lọ mẹ[jlado | jla asisado]

  • Na nugbo tọn, be gbẹtọ lẹ wẹ yẹn to tintẹnpọn nado diọlinlẹnna ya, kavi Jiwheyẹwhe? Kavi be gbẹtọ lẹ wẹ yẹn to tintẹnpọn nado hẹn homẹhun ya? Eyin yẹn gbẹ́ to homẹ gbẹtọ lẹ tọn hẹn hùn, yẹn ma na yin afanumẹ Klisti tọn. 1:10
  • To whenue Jiwheyẹwhe, mẹhe hẹn mi nado yin jiji bo ylọ mi gbọn nukundagbe ma jẹhẹ etọn gblamẹ, mọdọ e yọ́n nado do Visunnu etọn hia gbọn yẹn gblamẹ, na yẹn nido sọgan lá wẹndagbe lọ gando ewọ go na akọta lẹ, yẹn ma kàn ayinamẹ biọ mẹde to afọdopolọji; mọdopolọ, yẹn ma hẹji yì Jelusalẹm, yèdọ yì mẹhe yin apọsteli jẹnukọnna mi lẹ dè.

1:15-17

  • Na gbọn osẹ́n gblamẹ, yẹn kú na osẹ́n wutu, na yẹn nido sọgan gọwá ogbẹ̀ na Jiwheyẹwhe wutu. 2:19
  • Todin, yẹn yin whiwhè do núgo hẹ Klisti. E masọ yin yẹn wẹ to gbẹnọ ba, ṣigba Klisti wẹ to gbẹnọ to kọndopọ mẹ hẹ mi. 2:20
  • Enẹwutu, Osẹ́n lọ ko lẹzun mẹgopọntọ mítọn he deanana mí yì Klisti dè, na míwlẹ nido sọgan yin lilá di dodonọ na yise wutu. Ṣigba,todin he yise ko wá, mí masọ tin to mẹgopọntọ de glọ ba. 3:24-25
  • Na mìmẹpo he yin bibaptizi to Klisti mẹ ko ze Klisti dogo. Ju kavi Glẹkinu de ma tin,afanumẹ kavi mẹhe to edekannu de ma tin, sunnu kavi yọnnu de ma tin, na dopo wẹ mìmẹpo to kọndopọ mẹ hẹ Klisti Jesu.3:27-28
  • Dile e na dẹnsọ bọ gudutọ lọ na gbẹ́ pò to yọpọvu de yin, ewọ ma gbọnvo to aliho depope mẹ na afanumẹ de, dile etlẹ yindọ ewọ wẹ oklunọ nulẹpo tọn, ṣigba ewọ tin to nukunpedonugotọ lẹ po họ̀nkọnsi lẹ po glọ kakajẹ azán he otọ́ etọn ko de jẹnukọn lọ gbè. Mọdopolọ, to whenue mí pò to yọpọvu, mílọsu lẹ yin hinhẹn zun afanumẹ gbọn onú dodonu tọn aihọn tọn lẹ dali. Ṣigba, whenuena ojlẹ dide lọ pé,Jiwheyẹwhe do Visunnu etọn hlan, mẹhe yin jiji gbọn yọnnu de dali bosọ tin to osẹ́n glọ, na ewọ nido sọgan tún mẹhe to osẹ́n glọ lẹ dote gbọn hihọ̀ yé dali, na míwlẹ nido sọgan yin sisọdodovi. Todin, na ovi wẹ mì yin wutu, Jiwheyẹwhe ko do gbigbọ Visunnu etọn tọn hlan ahun mítọn mẹ bọ e yí ogbè lélé do dawhá dọmọ: “Abba, Otọ́!” Enẹwutu, hiẹ masọ yin afanumẹ de ba ṣigba ovi de; to whelọnu lo, eyin ovi de wẹ hiẹ yin, be gudutọ de wẹ hiẹ sọ yin gbọn Jiwheyẹwhe dali. 4:1-7
  • Di apajlẹ, e yin kinkandai dọ Ablaham tindo visunnu awe, dopo yin gbọn deviyọnnu lọ dali bọ awetọ yin gbọn yọnnu he to edekannu lọ dali; ṣigba na taun tọn, dehe yin deviyọnnu lọ tọn yin jiji to jọwamọ-liho bọ awetọ lọ he yin yọnnu he to edekannu lọ tọn yin gbọn opagbe de gblamẹ. Onú ehelẹ sọgan tindo zẹẹmẹ yẹhiadonu tọn de; na yọnnu ehelẹ nọtena alẹnu awe.4:22-24
  • Na mẹdekannujẹ mọnkọtọn wutu wẹ Klisti tún mí dote. Enẹwutu mì nọtegli, mì sọ dikebo yin ginglọndo zẹgẹ afanumẹ-yinyin tọn mẹ ba blo. 5:1
  • Mẹmẹsunnu lẹ emi, mẹdekannujẹ mẹ wẹ mì yin yiylọ do; etomọṣo mì yí mẹdekannujẹ ehe zan taidi dotẹnmẹ hundote de nado doafọna ojlo agbasalan tọn lẹ blo, ṣigba gbọn owanyi dali mì nọ wazọ́n na ode awetọ taidi afanumẹ. Na Osẹ́n lọ blebu yin bibladopọ do gbedide dopo mẹ, enẹ wẹ: Hiẹ dona yiwanna kọmẹnu towe di dewe. 5:13-14
  • Mì to zọnlinzin gbọn gbigbọ dali zọnmii, mì masọ to na hẹn ojlo agbasalan tọn depope di.5:16
  • To alọ devo mẹ, sinsẹ́n gbigbọ tọn wẹ owanyi, ayajẹ, jijọho, homẹfa, homẹdagbe, dagbewà, yise, walọmimiọn, mawazẹjlẹgo. 5:22-23
  • Mẹhe yin Klisti Jesu tọn lẹ ko whè agbasalan do atin go to pọmẹ hẹ numọtolanmẹ zogbe po ojlo etọn lẹ po.5:24
  • Mì nọ to alọgọna ode awetọ to nuhe to agbàn pẹ̀n mì lẹ mẹ bo gbọnmọ dali hẹn osẹ́n Klisti tọn di. 6:2
  • Nudepope he mẹde to dido, enẹ wẹ e na gbẹ̀n ga; na mẹhe to dido sọgbe hẹ agbasalan etọn na gbẹ̀n gbigble sọn agbasalan etọn mẹ, ṣigba mẹhe to dido sọgbe hẹ gbigbọ na gbẹ̀n ogbẹ̀ madopodo sọn gbigbọ lọ dè. Enẹwutu, mì dike mí gbọjọ to nuhe yin dagbe wiwà mẹ blo, na mí na gbẹ̀n to ojlẹ sisọ mẹ eyin agbọ́ ma pé mí. 6:7-9
  • Yẹn ma jlo na doawagun gbede, adavo to yatin Oklunọ mítọn Jesu Klisti tọn mẹ, mẹhe gblamẹ aihọn lọ ko yin hùhù te to pọndohlan ṣie mẹ podọ yẹn to pọndohlan aihọn tọn mẹ.6:14

Nọtẹn dopedido tọn devo lẹ[jlado | jla asisado]