Sọlomọni
Jump to navigation
Jump to search
Sọlomọni dugán do Ahọluduta Islaẹli tọn po Juda tọn po ji to owhe kanweko 10tọ JWM. E yin visunnu Ahọlu Davidi tọn podọ ewọ wẹ kàn suhugan apadewhé Owe Biblu tọn Howhinwhẹn lẹ tọn po Yẹwhehodọtọ blebu po, e sọ yin yẹwhenọ de to Sinsẹ̀n Male tọn po Baha'i po tọn mẹ.
Hoyidọ lẹ[jlado | jla asisado]
- Dòdo oyọnẹn tọn wẹ osi OKLUNỌ tọn: Ṣigba oklenọ vlẹ nuyọnẹn po mẹplọnlọ po.
- Ovi ṣie, a vlẹ wọhẹ OKLUNỌ tọn blo; Mọ a dike núdikòna we na hókọnamẹ etọn blo. Na mẹhe OKLUNỌ yiwanna wẹ é nẹ kóhóna, Kẹdẹdile otọ́ nọ kóhóna ovi he go homẹ etọn hùn do. Jijọhonọ wẹ dawe lọ he din ayitùnnugo mọ, Po dawe he duale zìnzìn tọn po.
- Ayajẹnọ wẹ mẹlọ he mọ nuyọnẹn, Podọ mẹlọ he tindo wuntuntun; E pọnte nado tindo e hú nado tindo fataka, Podọ e pọnte nado tindo e di ale hú nado tindo sika. E họakuẹ hú aṣápán lẹ; Nuhe hiẹ tindo ojlo na depope ma gán yin yiyijlẹdo e go. Gbẹ̀gaa tin to adusilọ etọn mẹ; Adọkun po gigo po sọ tin to amiyọnlọ etọn mẹ. Aliho etọn lẹ gọ́ na awuvivi, Ali etọn lẹpo wẹ sọ gọ́ na jijọho. Atin ogbẹ̀ tọn de wẹ e yin na mẹhe nọ tẹdego lẹ, Podọ ayajẹnọ wẹ mẹhe nọ hẹn e go gligli lẹ.
- Ayihaawe ma tin dọ zinzin mẹde tọn na hẹn ẹn whleawu nado gblehomẹ, Podọ gigo wẹ e yin na ẹn nado nọ miọnnukundo nuṣiwa.
- Ovi nulunọ wẹ homẹgble otò etọn tọn: Avùn asi tọn taidi jikun jija.
- E pọnte nado yin wamọnọ bo nọ zinzọnlin to tenọgli mẹ Hú nado yin nulunọ bo nọ dolalo.
- Túntóai do linlẹn go, Na a ni sọ yí oplòn, Na hiẹ nido yọnnuin to pòdo towe.
- Nọ dotoaina ayinamẹ bo nọ kẹalọyi mẹplọnlọ, Na hiẹ nido yọnnuin to sọgodo.
- Ovi nuyọnẹntọ basi homẹhùn otọ́ etọn tọn: Ṣigba ovi nulunọ wẹ awubla onọ etọn tọn.
- Gigo Jiwheyẹwhe tọn wẹ nado nọ hẹn whẹho de di aṣli, Amọ́, gigo ahọlu lẹ tọn wẹ nado nọ dindona whẹho de.
- Na nuyọnẹn susugege nọ hẹn flumẹjijẹ susugege wá, Enẹwutu, mẹdepope he hẹn oyọnẹn sudeji hẹn awufiẹsa sudeji.
- Mẹnu wẹ taidi dawe nuyọnẹntọ lọ? Mẹnu wẹ yọ́n lehe yè nọ didẹ nuhahun de do? Nuyọnẹn gbẹtọ tọn nọ hẹn nukunmẹ etọn họ́n bosọ nọ de nukunmẹ yinylọ́n etọn sẹ̀. Yẹn dọmọ: “Setonuna gbedide ahọlu tọn, na whiwhle towe to Jiwheyẹwhe nukọn wutu. A yawu nado tọ́n sọn nukọn etọn blo. A sọ nọgodona nuylankan depope blo; na ewọ sọgan wà nudepope he jlo e, na ohó ahọlu tọn ma nọ yin agọjẹdo; podọ mẹnu wẹ sọgan dọna ẹn dọ, ‘Etẹ wà wẹ a te?’”