Jump to content

Salmu lẹ

Sọn Wikiquote
Yẹn na jihàn hlan OKLUNỌ; Na é yi dagbewà do zòn hẹ mi.
13:6, King James Version

Owe Owe Salmu tọn lẹ, Tehillim to Heblugbe mẹ (תְּהִלִּים kavi תהילים zẹemẹdo "Pẹdido lẹ"), nọ saba yin alọdlẹndo to paa mẹ dọ Salmu lẹ kavi "Salmu lọ lẹ", wẹ yin owe tintan Ketuvim ("Wékinkan lẹ") lọ tọn lẹ, adà atọ̀ntọ Biblu Heblu tọn lọ tọn.

Salmu 1[jlado | jla asisado]

  • DONANỌ wẹ omẹ he ma zinzọnlin to ohónamẹ mẹylankan lẹ tọn
    Bo ma ṣite to ali ylanwàtọ lẹ tọn ji, Bo ma sọ sinai to otẹn mẹvlẹtọ lẹ tọn mẹ.
    Ṣigba homẹhùnhùn etọn tin to osẹ́n OKLUNỌ tọn mẹ; Podọ osẹ́n etọn mẹ wẹ é nọ ayihamẹlẹnpón te to okle po ozán po. E na di atin he yè hòndo do asisa osìn tọn tó, He to sinsẹ́n etọn sẹ́n to ojlẹ etọn mẹ; Àmà etọn ga ma na yé; Nudepope é to wiwà na doale.
    Mẹylankan lẹ ma to mọ gba: Ṣigba yé taidi nuyọ he jẹhọn to fúfú, Enẹwutu mẹylankan lẹ ma na nọte to whẹ̀dida whenu, Kavi ylanwàtọ to agùn dodónọ le tọn mẹ. Na OKLUNỌ yón ali dódónọ lẹ tọn: Ṣigba ali mẹylankan lẹ tọn na súdo.
  • Ayajẹnọ wẹ mẹhe ma nọ zinzọnlin sọgbe hẹ ayinamẹ mẹylankan lẹ tọn
    Bo ma nọ nọte to aliho ylandonọ lẹ tọn ji
    Bo masọ nọ sinai to oján mẹṣankotọ lẹ tọn ji.
    Ṣigba, osẹ́n Jehovah tọn mẹ wẹ e nọ mọ awuvivi te;
    Bo nọ yí ogbè dẹẹdẹ do to osẹ́n Etọn hia to okle po ozán po.
    Ewọ na taidi atin de he yin dido do asisa osin tọn lẹ tó,
    Yèdọ atin de he nọ de sinsẹ́n tọ́n to osaa etọn mẹ,
    Bọ amà etọn lẹ ma nọ yọ́.
    Podọ nudepope he ewọ wà na nọ tindo kọdetọn dagbe. E ma nọ yinmọ na mẹylankan lẹ;
    Yewlẹ taidi ofló he jẹhọn nọ ze yì.
    Enẹ wẹ zọ́n bọ mẹylankan lẹ ma na gbọṣi ote to whẹdida whenu;
    Mọjanwẹ ylandonọ lẹ ma na gbọṣi ote to pipli dodonọ lẹ tọn mẹ do niyẹn. Na Jehovah yọ́n aliho dodonọ lẹ tọn,
    Ṣigba, aliho mẹylankan lẹ tọn na busẹ.

Salmu 3[jlado | jla asisado]

  • OKLUNỌ, na kẹ̀ntọ ṣie lẹ sù do le? Susu wẹ yé he tite do oji e .
    Mẹsusu wẹ to didọ gbọn yẹn tọn dali, Whlẹngan de ma tin nẹ̃ to Jiwheyẹwhe mọ. Selah.
    Ṣigba hiẹ, OKLUNỌ E, wẹ awóyínù lódo mi; Gigo ṣie, podọ ota ṣie zódagatọ.
    Yẹn yí ogbẹ̀ ṣie do dawhá ylọ, OKLUNỌ, É sọ siọ mi sọn osé etọn wiwe ji wá. Selah.

Salmu 4[jlado | jla asisado]

  • Yẹn na mlọnai bo damlọn jijọho mẹ, na hiẹ, OKLUNỌ, dopokẹdẹ wẹ hẹn mi sinai mahanú.

Salmu 5[jlado | jla asisado]

  • Na tẹninọ de ma tin to onù yetọn mẹ; Yé homẹ dọ̃n yín gbigble: Oyòwhé he hùn dai wẹ ovógo yetọn; Yé nọ yí odẹ́ yetọn do ké omẹ.
    Na tẹninọ de ma tin to onù yetọn mẹ; Yé homẹ dọ̃n yín gbigble: Oyòwhé he hùn dai wẹ ovógo yetọn; Yé nọ yí odẹ́ yetọn do ké omẹ. Gblewhẹdo yé, Jiwheyẹwhe È, Na ye ni gbọn dali linlẹn yetọn mẹ jai; Yàn yé sẹ̀ to tasinẹn susu yetọn mẹ; Na yé ko to atẹsi hẹ we.

Salmu 7[jlado | jla asisado]

  • OKLUNỌ È, Jiwheyẹwhe ṣie, eyín yẹn basi ehe; Eyín mawàdódó tin to alọ ṣie mẹ;
    Eyín yẹn yí oylan do suahọ ewọ he yẹn po e po tin to jijọho; (Nugbo ewọ he to kóntọ ṣie yín yaya, yẹn ko whlẹn ẹn gán:)
    Gbọ kẹ̀ntọ ni domóna ayiha ṣie bo sọ wló e; Nugbo, gbọ é ni tùnafọ ogbẹ̀ ṣie ji to aigba, Bo tẹ́ yẹyi ṣie flo kógudu mẹ. Selah.
  • Tite, OKLUNỌ E, to adi towe mẹ, Zé dewe daga na adanjijẹ kóntọ ṣie lẹ tọn wutu: Fọ́n na mi; hiẹ ko degbè whẹ̀dida tọn.
  • OKLUNỌ na dawhóna gbẹtọ lẹ: OKLUNỌ dawhẹ ṣie kẹdẹdi dódó ṣie, kẹdẹdi walọpipé ohò ṣie mẹ tọn.
  • Do ayi e go, ajlu oylan wiwà tọn to sisọ ẹ, é mọhò okà tọn, Ẹo sọ ji lalo jẹgbonu.
    E dè odẹ̀ bo sọ kún i, E sọ jai do odẹ̀ he ewlọsu kùn mẹ.

Salmu 8[jlado | jla asisado]

  • OKLUNỌ È, OKLUNỌ mítọn, Na oyín towe gbónvò to aihọn lẹpo mẹ do le! Hiẹ ko zé gigo towe dote yìaga hú olọn lẹ.
    Sọn onù yọpọvu po ovi he to anónu lẹ po tọn mẹ wẹ hiẹ ko hẹn huhlọn lódo Na kẹ̀ntọ towe lẹ wutu, Na hiẹ nido hẹn kẹ̀ntọ lẹ po ahọsuyitọ po nabọẹ.
    Whenuena yẹn lẹn olọn towelẹ pọ́n, azọ́n alọviyẹyẹ towe tọn lẹ, Osùn po sunwhlẹvu lẹ po he hiẹ ko zóali dai na;
    Etẹ wẹ gbẹtọ, bọ hiẹ do to núflin jẹ e go? Podọ ovi gbẹtọ tọn, bọ hiẹ do to didla ẹ pọ́n?
    Hiẹ yí i do da huwhẹnọ pẹvide hú Jiwheyẹwhe, Hiẹ sọ yí gigo po yẹyi po do ṣinyọn ojógbakun nẹ̃.
    Hiẹ ko yí i do dogán do azọ́n alọ towe nu tọn ji, Hiẹ sọ yí onú popo do afọ etọn glọ.
    Lẹngbọ lẹpo po oyín lẹpo po ga, mọwẹ po kanlin he tin to gbèmẹ lẹ po.
    Ohẹ̀ he to oji aga lẹ, whevi he tìn to ohù mẹ, Po nudepope he nọ gbọn ali ohù tọn ji lẹ po.
  • Oklunọ mítọn, Jehovah E, lehe oyín towe klo taun lẹdo aihọn pé sọ!

Salmu 9[jlado | jla asisado]

  • Whenuena kẹ̀ntọ ṣie lẹ légòdo, Yé na klẹnafọ, yé nasọ dẹn to nukọn towe.
    Na hiẹ ko da whẹwhiwhẹn nukundagbe ṣie mẹ bo yíwhẹ do oji e; Hiẹ sinai to ofìn ji bo to owhẹ dódó da.
    Hiẹ wọhẹ kosi lọ, hiẹ hù mẹylankan lẹ súdo, Hiẹ sọ gbidi oyín yetọn só kakadoi.
    Yè hù kẹ̀ntọ lẹ lọ súdo: adóto yetọn sọ tin tẹgbẹ, Hiẹ ko gbà otòdabo lẹ, yèdọ oflin yetọn ko sọ gbidi.
  • Wàlẹblanu na mi, OKLUNỌ È, Pọ́n nukunbibia he yẹn to mimọ to alọ yé he gbẹwanna mi lẹ tọn mẹ, Hiẹ he zé ota ṣie daga sọn hòngbo okú tọn lẹ ji.

Salmu 11[jlado | jla asisado]

  • Jehovah nọ dindona dodonọ po mẹylankan po;
    Ewọ gbẹwanna mẹdepope he yiwanna danuwiwa.
  • תֹּֽודִיעֵנִי֮ אֹ֤רַח חַ֫יִּ֥ים שֹׂ֣בַע מָחֹות אֶת־פָּנֶ֑יךָ נְעִמֹ֖ות בִּימִינְךָ֣ נֶֽצַח

Salmu 13[jlado | jla asisado]

  • NA é na dẹn do bọ hiẹ nado wọnji ogo e, OKLUNỌ E, kakadoi? Na é nasọ dẹn do bọ hiẹ nado sọ nukunmẹ towe whlá sọn ogo e?
    Na é na dẹn do bọ yẹn nado to núlẹn to ohò ṣie mẹ? Bo nado tindo awúbla to ayiha ṣie mẹ to azán popo gbè? Na é na dẹn sọ bọ kẹ̀ntọ ṣie nado yín zedaga to oji e?
    Pọ́n! siọ mi, OKLUNỌ E, Jiwheyẹwhe ṣie: Hẹn nukun ṣie hónwun, na yẹn nikã damlọn to okú mẹ.
    Na kẹ̀ntọ ṣie nikã dọmọ, Yẹn ko hugán ẹn; Na tasọmẹtọ ṣie lẹ nikã to ayajẹ whenuena yè diọ otẹn na mi.
    Ṣigba yẹn na dotudo dagbewanyi towe go; Ayiha ṣie na jaya to whlẹngan towe mẹ.
    Yẹn na jihàn hlan OKLUNỌ; Na é yi dagbewà do zòn hẹ mi.

Salmu lẹ 14[jlado | jla asisado]

  • OKLENỌ dọ to ayiha etọn mẹ, dọ, Jiwheyẹwhe de ma tin. Yé gble, yé to azọ́n gbigble wà, Mẹhe to dagbewà de ma tin.OKLUNỌ pọ́n odẹ̀ sọn olọn mẹ nado pọ́n ovi gbẹtọ tọn lẹ, Nado mọ eyín mẹde tin bọ nuyọnẹn pó, Bọ é to Jiwheyẹwhe din.Omẹ pó wẹ ko klán sọn ali ji, omẹ pó wẹ nọpọ lẹzun dihonọ: Mẹhe to dagbewa de ma tin. Bé ylanznwàtọ lẹpo ma yọnnuin? Mẹhe to omẹ ṣie lẹ dù, di mẹhe to núdù, Ye ma dawhá ylọ OKLUNỌ.

Salmu lẹ 15[jlado | jla asisado]

Mẹhe nọ gbẹ́ mẹvọ́nu lẹ dai,
Ṣigba, bo nọ gbògbéna mẹhe nọ dibusi Jehovah lẹ.
E nọ de opà etọn lẹ, etlẹ yin to whenue enẹ sọgan hẹn awugble wá na ẹn.
Mẹhe nọ yàn akuẹ namẹ bo ma nọ donukun akuẹvi,
Bo masọ nọ kẹalọyi alọgodo-kuẹ nado sawhẹdokọna homẹvọnọ.
Mẹdepope he to onú ehelẹ wà ma na yin tẹnsẹna gbede.

Salmu lẹ 16[jlado | jla asisado]

  • JIWHEYẸWHE E, hla mi dai; na hiẹ mẹ wẹ yẹn fibẹ̀tado din te. Yẹn ko dọ hlan OKLUNỌ, dọ, Hiẹ wẹ Oklunọ ṣie, Yẹn ma do dagbe de to godo towe. Eyín mẹwiwe he tin to aihọn mẹ lẹ tọn wẹ, Omẹ gbọnvò wẹ yé, mẹhe mẹ ohòmẹhùnhùn ṣie te.
  • Yẹn ko zé OKLUNỌ do nukọn ṣie whepoponu: Na é tin to adusi ṣie mẹ wutu, yè ma na diọtẹn na mi Na enẹwutu wẹ homọ ṣie hùn, bọ gigo ṣie sọ to ayajẹ; Agbasalan ṣie ga nasọ gbọjẹ to gòdenú mẹ. Na hiẹ ma na jo ayiha ṣie dai do kútòmẹ; Mọ hiẹ ma to na dike mẹwiwe towe ni mọ gbigble. Hiẹ na yi aliho ogbó tọn hia mi: To nukọn towe wẹ gigọ́ ayajẹ tọn te; To adusi towe mẹ wẹ homẹvivi tin te kakadoi.

Salmu lẹ 17[jlado | jla asisado]

  • SÈ dódó lọ, OKLUNỌ È, do ayi awhá ṣie go; Dotó odó ṣie go, he ma sọn nùflo oklọ tọn mẹ jẹgbonu.
  • Yẹn to awhádo ylọ we, na hiẹ na siọ mi, Jiwheyẹwhe È: Lé otọ́ towe hlan mi, bo sọ sè ohó ṣie. Yí dagbewanyi towe he jawu hia, hiẹ he nọ yí adusilọ towe do whlẹn yé he din fibẹ̀tado to hiẹ mẹ lẹ gán. Sọn yé he fọ́n do yé ji lẹ si.

Salmu lẹ 18[jlado | jla asisado]

  • OKLUNỌ sọ súahọ mi kẹdẹdi dódó ṣie; Kẹdẹdi wiwe alọ ṣie mẹ tọn wẹ é súahọ etọn mi.


  • Eyín Jiwheyẹwhe tọn wẹ, ali etọn sọgbè: Yè whlé ohó Jiwheyẹwhe tọn pọ́n; Ewọ sọ wẹ awòyinú hlan yé he din fibẹ̀tado to e mẹ lẹ. Na mẹnu wẹ Jiwheyẹwhe, adavo OKLUNỌ? Kavi mẹnu wẹ awinyan, adavo Jiwheyẹwhe mítọn? Jiwheyẹwhe wẹ yí huhlọn do gbanjána mi, Bo sọ hẹn ali ṣie sọgbè. E basi afọ ṣie di afọ agbanlín tọnf Ẹo sọ zé mi do otẹn yìaga ṣie lẹ ji
    • 18:30-33


  • Yẹn ko yàn kẹ̀ntọ ṣie lẹ, bo pla yé; Yẹn ma sọ ló do godo kaka yè do gbidi yé. Yẹn húnú yé, bọ yé ma sọgan fọ́n ṣite: Yé sọ jai to oglọ afọ ṣie tọn. Na hiẹ yí huhlọn do blagbajana mi na awhàn lọ; Hiẹ ko sọ hẹn yé he fọ́n do oji e lẹ jai to oglọ afọ ṣie tọn. Na kẹ̀ntọ ṣie lẹ hiẹ na nógbó kógodo tọn hlan mi; Na yẹn ni do sukún yé he gbẹwanna mi lẹ tọn do. Yé dawhá, ṣigba mẹhe na whlẹn yé de ma tin: Yèdọ hlan OKLUNỌ, ṣigba é ma siọ yé. Whenẹnu wẹ yẹn tùn yé pọdọpọdọ di afinfin to jẹhọn nukọn: Bo bó yé jẹgbonu di núyọ to alihota.

Salmu lẹ 19[jlado | jla asisado]

Olọn lẹ to gigo Jiwheyẹwhe tọn lá; Agahomẹ sọ to azọ́n alọ etọn tọn jla.
  • Gbọ ohó onù ṣie mẹ tọn, po linlẹn ayiha ṣie mẹ tọn po, ni yín alokẹyi to nukun towe mẹ, OKLUNỌ È, a winyan ṣie, mẹflitọ ṣie.

Salmu lẹ 22[jlado | jla asisado]

  • Na é ma vlẹ, mọ é ma gbẹwanna nukunbibia nukunbianọ lẹ tọn; Mọ é ma yí nukun etọn whlá sọn ego; Ṣigba whenuena é dawhá ylọ ẹ, é sè.

Salmu lẹ 23[jlado | jla asisado]

  • OKLUNỌ wẹ lẹngbọhọtọ ṣie; yẹn ma na gbòagba.
    E hẹn mi mlọnai to danji fie amamú kikó te; E sọ plan mi yì agbàdò osìn awúmiọn tọn mẹ.
    É hẹn awuya ayiha ṣie: E sọ hẹn mi gbọn ali dódó tọn ji na oyín etọn wutu.
    Nugbo, eyín yẹn tlẹ to zọnlinzìn gbon agbàdò zinvlu góngón tọn ṣẹnsẹn, Yẹn ma obu na di na oylan de: na hiẹ tin to dẽ; Aglọ towe po opò towe po, yé homẹmiọnna mi.
    Hiẹ tó tafo de do nukọn ṣie, to nukun kẹ̀ntọ ṣie lẹ tọn mẹ: Hiẹ sọ yí ami do ota na mi; Kọfo ṣie sọ gó flakọnyingbó.
    Nugbo, dagbe po dagbewanyi po na nọ hodo mì to gbózán ṣie lẹpo mẹ; Yẹn nasọ nọnó ohó OKLUNỌ tọn mẹ doidoi.

Salmu lẹ 24[jlado | jla asisado]

  • Mẹnu wẹ na hẹ́ osé OKLUNỌ tọn lọ ji? Kavi mẹnu wẹ na nọte to otẹn wiwe etọn mẹ? Ewọ he tindo alọ wiwe, ayiha wiwe; Mẹhe ma zé ayiha etọn daga do nuvọ go, Bo ma whlewhiwhle lalo tọn.

Salmu lẹ 27[jlado | jla asisado]

  • A yí mi do alọ ojlo kẹ̀ntọ ṣie lẹ ton mẹ blo: Na kunnudètọ lalonọ le fọ́n do oji e, podọ yé he nọ tọ gbigbọ oka tọn gbè lẹ.

Salmu lẹ 28[jlado | jla asisado]

  • A sọ dọ̀n mi yì po mẹylankan lẹ po blo, Podọ po ylanzènwàtọ lẹ po blo, He nọ dọhó jijọho hlan kọmẹnu yetọn lẹ, Ṣigba ylanwiwà tin to ayiha yetọn mẹ.
    • 18:3

Salmu lẹ 29[jlado | jla asisado]

  • OKLUNỌ na yí huhlọn na omẹ etọn lẹ; OKLUNỌ nasọ yí jijọho do dona omẹ etọn lẹ.

Salmu lẹ 30[jlado | jla asisado]

Avi sọgan wá whégbè nado nòhẹmẹ to tenu, Ṣigba hàngbè lélé ayajijẹ tọn ja to afọnnu.
  • OKLUNỌ È, hiẹ ko dè mi sọn kútòmẹ, Hiẹ sọ hẹn mi do ogbẹ̀, na yẹn niká jẹte yì odẹ̀ mẹ. Jihàn hlan OKLUNỌ, mì mẹwiwe etọn emi, Mì sọ dopèna oflin owàlọwiwe etọn tọn. Na nukun whiwhe dopo wẹ adi etọn dẹn; Nukundagbe etọn mẹ wẹ ogbẹ̀ te: Avi sọgan wá whégbè nado nòhẹmẹ to tenu, Ṣigba hàngbè lélé ayajijẹ tọn ja to afọnnu.

Salmu lẹ 32[jlado | jla asisado]

Salmu lẹ 33[jlado | jla asisado]

  • E yiwanna nugbo po whẹ̀dida po: Aigba sọ gọ́ na dagbewanyi OKLUNỌ tọn.

Salmu lẹ 35[jlado | jla asisado]

  • אֹ֭הֵב צְדָקָ֣ה וּמִשְׁפָּ֑ט חֶ֥סֶד יְ֝הוָ֗ה מָלְאָ֥ה הָאָֽרֶץ׃
    • 33:5, Leningrad Codex.
      • E yiwanna nugbo po whẹ̀dida po: Aigba sọ gọ́ na dagbewanyi OKLUNỌ tọn.

Salmu lẹ 37[jlado | jla asisado]

  • גֹּ֣ול עַל־יְהוָ֣ה דַּרְכֶּ֑ךָ וּבְטַ֥ח עָ֝לָ֗יו וְה֣וּא יַעֲשֶֽׂה׃
    וְהֹוצִ֣יא כָאֹ֣ור צִדְקֶ֑ךָ וּ֝מִשְׁפָּטֶ֗ךָ כַּֽצָּהֳרָֽיִם׃
    • 37:5-6, Leningrad Codex.
    • Jó ali towe do alọ OKLUNỌ tọn mẹ, Dotudo e go ga; ewọ nasọ basi i.
      E nasọ dè dódó towe jẹgbonu di hinhọ́n, Podọ whẹ̀dida towe di okle owhè sá mẹ.
    • Jo aliho towe do alọmẹ na Jehovah;
      Ganjẹ ewọ go, e nasọ yinuwado ota towe mẹ.
      Ewọ na hẹn dodowiwa towe họnwun taidi hinhọ́n okle tọn,
      Podọ whẹdida dodo towe taidi hinhọ́n owhè ṣádada mẹ tọn.
    • Na whenu pẹẹde dogọ, mẹylankan lẹ ma na tin ba;
      Hiẹ na pọ́n fie yé nọ nọ̀ dai,
      Yé ma nasọ to finẹ.
      Ṣigba, homẹmimiọnnọ lẹ wẹ na dugu aigba tọn,
      Yé nasọ nọ mọ awuvivi susu to jijọho susugege mẹ.

Salmu lẹ 38[jlado | jla asisado]

  • Na nuṣiwa ṣie lẹ ko ṣinyọ́n ota na mi pete;
    Yé hú agbọ́ mi taidi agbàn pinpẹn tlala de.
    Apà ṣie lẹ to wánlùn bo ko yọ̀n
    Na nulú ṣie wutu.
    Yẹn gọ́ na ayimajai bo jẹflumẹ petepete;
    N’nọ to zọnlinzin pé to awubla mẹ to azán lọ pete ji.
    Lanmẹ ṣie nọ to zoji;
    Agbasa ṣie pete wẹ to azọ̀njẹ.
    Agbasa ṣie ko kúatli bọ n’ko jẹflumẹ petepete;
    Awufiẹsa ahun ṣie mẹ tọn nọ hẹn mi wẹnhun gángán.

Salmu lẹ 42[jlado | jla asisado]

  • LE agbànlin nọ kukàn osìn tọpesẹ tọn do, Jiwheyẹwhe E, mọwẹ ayiha ṣie kukàn towe do. Nùgbla Jiwheyẹwhe tọn to ayiha ṣie hù, Jiwheyẹwhe ogbènọ: Whetẹnu wẹ yẹn na wá, bo sọawúhia to Jiwheyẹwhe nukọn?
  • Dasìn ṣie wẹ yín núdùdù ṣie to okle po ozán po, Whenuena yé to didọ hlan mi whepoponu, dọ, Fiẹ Jiwheyẹwhe towe te?

Salmu lẹ 46[jlado | jla asisado]

Mì ṣite abọẹ, na mì ni yọnẹn dọ yẹn wẹ Jiwheyẹwhe; Yè na zé mi daga to aihọn mẹ.
  • JIWHEYẸWHE wẹ fibẹ̀tado po huhlọn mítọn po, Alọgọ alọnualọnu tọn to tukla mẹ. Enẹwutu wẹ míwlẹ ma to obu na di, eyín aigba tlẹ diọ, Bọ yè sọ hẹn osé daho lẹ yi do ohù mẹ; Eyín osìn lẹ tlẹ to hihò bo to futufutuyẹn, Eyín osé daho lẹ tle whàn gbọn hiho etọn dali. Selah.
  • Otò de tin, asisa ehe tọn nọ hẹ homẹ otòdaho Jiwheyẹwhe tọn hùn, Fiwiwe gohọ́túntún Gigogán tọn lẹ tọn. Jiwheyẹwhe tin to ṣẹnsẹn etọn; é ma na yín sisẹtenna: Jiwheyẹwhe na gọalọ nẹ̃ to afọnnufu Kosi lẹ to homẹhò, yè sẹtẹnna ahọludu lẹ: E kẹnu etọn, aigba yọ́. OKLUNỌ awhànpa lẹ tọn tin to mí de; Jiwheyẹwhe Jakobu tọn wẹ atọ̀họ he yìaga mítọn. Selah.
  • Mì wá pọ́n azọ́n OKLUNỌ tọn, Hẹngble he é ko basi to aigba ji. É hẹn awhàn gbọ kaka jẹ aigba, pòdo; É wén ogá, bo sọ sán owhán do awe; hẹn kẹkẹ awhàn tọn fiọ to miyọn mẹ. Mì ṣite abọẹ, na mì ni yọnẹn dọ yẹn wẹ Jiwheyẹwhe; Yè na zé mi daga to aihọn mẹ.

Salmu lẹ 51[jlado | jla asisado]

  • JIWHEYẸWHE È, wàlẹblanuna mi, kẹdẹdi dagbewanyi towe: Kẹdẹdi lẹblanu bibọ towe susu tọn, gbidi tasinẹn ṣie sè. Kló mì sọn oylanwiwà ṣie mẹ patapata; Bo sọ lẹ́ mi wé sọn ylando ṣie mẹ. Na yẹn yígbe tasinẹn ṣie tọn: Whepoponu wẹ ylando ṣie sọ tin to nukọn ṣie.
  • Avó Jiwheyẹwhe tọn wẹ otù gbigbà; Ayiha gbigbà fìnfinọn, Jiwheyẹwhe È, hiẹ ma to na vlẹ gba.

Salmu lẹ 53[jlado | jla asisado]

  • OKLENỌ dọ to ayiha etọn mẹ, dọ, Jiwheyẹwhe de ma tin. Yé gble, yé sọ to azọ́n mawàdódó tọn wà: Yé he to dagbewà de ma tin. Jiwheyẹwhe pọ́n odò sọn olọn dooví gbẹtọ tọn lẹ tamẹ, Nado mọ eyín mẹde tin bọ nuyọnẹn pé. Bọ é to Jiwheyẹwhe din. Yé omẹ pó we gọ̀yì godo: omẹ pó wẹ nọpọ lẹzun dihonọ patapata; Mẹhe to dagbewà de ma tin. Ylanzọ́nwàtọ lẹ ma yọnnuin? Yé he to gbẹtọ ṣie lẹ dù di mẹhe to núdù: Yé ma sọ dawhá ylọ Jiwheyẹwhe.

Salmu lẹ 55[jlado | jla asisado]

  • Yẹn sọ dọmọ, Ṣó, yẹn do tindo awà di owhle de Yẹn do zlọn yì, bo yì gbọjẹ.

Salmu lẹ 69[jlado | jla asisado]

Salmu lẹ 71[jlado | jla asisado]

  • OKLUNỌ È, hiẹ mẹ wẹ yẹn to fibẹ̀tado din te: A dike yè dowinyan mi gbèdegbède blo.

Salmu lẹ 82[jlado | jla asisado]

  • 1. JIWHEYẸWHE ṣite to agùn Jiwheyẹwhe tọn mẹ, É to whẹ̀da to yẹwhe lẹ ṣẹnsẹn.
    2.Nawẹ míwlẹ na dawhẹ̀ mawàdódó tọn dẹn sọ, Bo nasọ to whẹyí do mẹylankan lẹ ji? Selah.
    3.Dawhèna madogánnọ po otòṣiọvipo, Wà dódó hlan nukunbianọ po agbátọnọ lẹ po.
    4. Whlẹn madogánnọ po agbátọnọ po: Dè yé sọn alọ mẹylankan lẹ tọn mẹ.
    5.Yé ma yọnẹn, mọ yé ma sọ tunwun Yé to yìgọ̀yìgọ̀yì zinvlu mẹ; Dòdó aigba tọn lẹpo sẹ̀ sọn otẹn yetọn mẹ.
    6.Yẹn ko dọmọ, yẹwhe lẹ wẹ míwlẹ; Ovi Gigogán tọn wẹ mì omẹ pó.

Salmu lẹ 83[jlado | jla asisado]

  • Jiwheyẹwhe E, a nabọẹ blo;
    Hiẹ Omẹ Huhlọnnọ lọ E, a gbọṣi abọẹ kavi whii blo.
    Na, pọ́n! kẹntọ towe lẹ to zingidi ji; Mẹhe gbẹwanna we lẹ to nuyiwa po goyiyi po. Yé nọ gbọn ayiha gigẹdẹ dali blasé do omẹ towe lẹ go to nuglọ;
    Yé nọ dewé sọta mẹvivẹ towe lẹ. Yé nọ dọmọ: “Mì wá, na mí ni sukúndona akọta yetọn pete,
    Na oyín Islaeli tọn ma nado yin finflin gbede ba.”

Salmu lẹ 83[jlado | jla asisado]

  • Na yé nido yọnẹn dọ, hiẹ, oyín Mẹhetọn dopo kẹdẹ nọ yín JEHOVA, Wẹ Gigogán to owẹkẹ lẹpo ji.

Salmu lẹ 91[jlado | jla asisado]

  • Jiwheyẹwhe dọmọ: “Na ewọ yiwanna mi wutu, yẹn na whlẹn ẹn gán.
    Yẹn na nọ basi hihọ́na ẹn, na ewọ yọ́n oyín ṣie.
    Ewọ na dawhá ylọ mi bọ yẹn na siọ ẹ.
    Yẹn na nọhẹ ẹ to ayimajai whenu.
    Yẹn na whlẹn ẹn bo doyẹyigona ẹn.
    Yẹn na yí ogbẹ̀ gaa do hẹn pekọ wá na ẹn,
    Bo nasọ hẹn ẹn nado mọ azọ́n whlẹngán tọn ṣie lẹ.”

Salmu lẹ 96[jlado | jla asisado]

  • MI ji ohàn yọ́yọ́ de hlan OKLUNỌ: Mì jihàn hlan OKLUNỌ, mì aigba lẹpo.
    Mì jihàn hlan OKLUNỌ, mì dona oyín etọn; Mì nọ dọyẹwhehó whlẹngan etọn tọn gbepogbè.
    Mì la gigo etọn to kosi lẹ ṣẹnsẹn, Azọ́n jawu etọn to gbẹtọ lẹ ṣẹnsẹn.
    Na kiklo wẹ OKLUNỌ, omẹ yè na pa talala: Ewo wẹ omẹ yè na si talala hú yẹwhe lẹ.
    Nà onú ovọ́ lẹ tọn wẹ yẹwhe akọta tọn lẹpo: Ṣigba OKLUNỌ wẹ basi olọn lẹ.
    Yẹyi po gigodaho po tin to nukọn etọn: Huhlọn po whanpẹ po tin to fiwiwe etọn mẹ.
    Mì na hlan OKLUNỌ, mì hẹnnu gbẹtọ lẹ tọn lẹ emi,
    Mì na gigo po huhlọn po hlan OKLUNỌ.
    Mì na hlan OKLUNỌ, mì na gigo he jẹ hlan oyín etọn:
    Mì hẹn nunina wá, bo biọ awá etọn mẹ.
    Mì sèn OKLUNỌ to whanpẹ owalọwiwe tọn mẹ: Mì sinú to nukọn etọn, mì aigba lẹpo.
    Mì dọ tò kosi lẹ ṣẹnsẹn, dọ, OKLUNỌ du ahọlu: Yè sọ hẹn aihọn lódo ga bọ yè ma nado sọgan sẹtẹnna ẹn: Ewọ na yí dódó do dawhẹ́na gbẹtọ lẹ.
    Mì gbọ olọn lẹ ni jaya, mì sọ gbọ homẹ aihọn tọn ni hùn; Mì gbọ ohù ni to wányẹ̃n, po onú he gọ́ e mẹ lẹ po.
    Mì gbọ odanji ni doawagun, po onú he to finẹ lẹpo po: Whenẹnu wẹ atin ozùn mẹ tọn lẹpo na jihàn na ayajijẹ
    Tò OKLUNỌ nukọn na é wá, E ja nado dawhẹ̀na aigba É na yí dódó do dawhẹ́na aihọn, Bo yí nugbo etọn do dawhẹ́na gbẹtọ lẹ.

Salmu lẹ 100[jlado | jla asisado]

Salmu lẹ 110[jlado | jla asisado]