Jump to content

Wẹndagbe Luku tọn

Sọn Wikiquote
Yẹn hẹn wẹndagbe homehùnhùn daho tọn wá na mì, he na tin hlan gbẹtọ lẹpo.

Wẹndagbe lọ Sọgbe hẹ Luku [To Glekigbe mẹ: Τὸ κατὰ Λουκᾶν εὐαγγέλιον, to kata Loukan euangelion] he yin yinyọnẹn to paa mẹ di Wẹndagbe Luku tọn kavi Luku poun, yin ẹnẹtọ to owe Wẹndagbe tọn lẹ mẹ podọ e yin dehe dite hugan, bosọ yin alọkẹyi gbọn suhugan klistiani lẹ tọn dali. Owe wẹndagbe tọn ehe yin kandai gbẹzan po lizọnyizọn Jesu Nazalẹtinu lọ tọn po, e dọ otàn etọn to gigọ́ mẹ bẹsọn jiji etọn kaka jẹ ojlẹ he mẹ e lẹkọ yì olọn mẹ. Delẹ to otàn he yin yinyọnẹn taun lẹ mẹ, taidi otàn Visunnu tonumasetọ lọ tọn po otàn Samalianu lọ tọn po, yin mimọ to owe Wẹndagbe tọn ehe kẹdẹ mẹ. Jesu yin didohia taidi ovi Jiwheyẹwhe tọn, amọ ayidonugo yin zizedo gbẹtọyinyin etọn ji taun, e dọho gando awuvẹmẹ etọn na madogannọ lẹ, mẹhe to yaji lẹ, po mẹhe yin yinyandogbe lẹ po go.

Hoyidọ lẹ[jlado | jla asisado]

Gigo hlan Jiwheyẹwhe to olọn aga, Podọ jijọho to gbẹtọ mẹhe mẹ ewọ yín homẹhùnnọ te lẹ ṣẹnṣẹn.
Podọ mì dawhé blo, yè ma sọ to owhè na da na mì; mì gblewhẹ̀do omẹ blo, yè ma sọ to na gblewhèdo mì; mì jonamẹ, yè nasọ jona mì.
Yé sọ wá e de, bo fọ́n en, dọmọ, Mẹplọntọ, Mẹplontọ, mí dòn.
Whenenu wẹ é fọ́n, bo sọ wọhẹ jẹhọn po zingidi osìn tọn po: yé sọ huwhé, bo sọ nabọẹ tó.
Kavi etewùtu we mìlọsu ma dawhè yèdọ na mìde onú he jlo tọn?
Ahọludu Jiwheyẹwhe tọn ma ja po ohia po gba: mọwẹ yé ma to na dọmọ, Pọn to ofi! kavi, pọn to odọn Na, pọn, ahọludu Jiwheyẹwhe tọn tin to gblagbla mì tọn me.
Nugbo wẹ yẹn dọ hlan mì, Mẹdepope he ma yí ahọludu Jiwheyẹwhe tọn di yọpovu, é ma to na biọ é mẹ.
Na Ovi gbẹtọ tọn wa nado din, podọ nado whlẹn enẹ he yin bubu gan.
Hómẹhùnhùn yẹn jlo nado dù juwayì he he mì, whẹpo yen na do jiya: na yẹn do hlan mì, Yen ma to na dù to e me ba, kaka yè na do dota nẹ to ahọludu Jiwheyẹwhe tọn mẹ.
Ehe wẹ agbasa ṣie he ye na mì mi nọ basi ehe to oflin ṣie me. Podọ kọfo ga to owàlọ monkọ mẹ, tò tenu nudùdù godo, é dọmọ, Kọfo he wẹ àlẹnu yọ́yọ́ to ohùn ṣie me, yedọ enẹ he yè kọn na mi.
Etẹwutu wẹ mìwlẹ to mẹhe to ogbẹ din to osiọ lẹ mẹ? E ma tin to ofi gba, ṣigba é ko fọ́n; mí ni flin le é dọhó hlan mì do whenuena é tin to Galili, dọmọ, Yè ma sọgan nọ ma dè Ovi gbẹtọ tọn jo do alọ gbẹtọ ylandonọ lẹ tọn mẹ gba, yé nasọ whè e do satin go, to azán atọ̀ntọ gbè, é nasọ fọ́n.
  • Malia sọ dọmọ, Ayiha ṣie jlayínna Oklunọ, Gbigbọ ṣie sọ jaya to Jiwheyẹwhe Whlẹngantọ ṣie mẹ. Na é ko hùn nukun pọ́n walọmìmiọn afànume yọnnu etọn tọn í Na pọ́n, sọn dinvie wẹ whẹndo lẹpo na nọ ylọ mi donanọ. Na ewọ he yín hlonhlọnnọ ko wà onú he klo lẹ hlan mi; Podọ wiwe wẹ oyín etọn Lẹblanu etọn sọn whẹndo de jẹ whẹndo Lẹpo me to yé he dibusi i lẹ ji. E ko yí awà etọn do do huhlọn, hia; E sọ gbà saklanọ lẹ kija, gbọn homegble ayiha yetọn tọn dali. E ko dè ahọvi lẹ jẹte sọn ofìn yetọn lẹ ji, Bo sọ zé hùwhẹnọ lẹ do aga. E ko yi onú dagbe lẹ do pekòna mẹhe huvẹ to hùhù lẹ; Bo sọ yàn adọkunnọ lẹ yì alọvọ. E ko gọalọna Islaeli devi etọn, Na ewọ nido flin lẹblanu; Dile é dọhó hlan otọ́ mìtọn lẹ, Hlan Ablaham dali po okún etọn lẹ po kaka doi.
    • Luku 1:46‭-‬55 KJV
  • Angeli Oklunọ tọn sọ site to ye de, gigo Oklunọ tọn sọ hón lédọ yé; obu sọ di ye talala. Angẹli lọ sọ dọ hlan yé, dọmọ, Mì dibu blo: pon, yẹn hẹn wẹndagbe homehùnhùn daho tọn wá na mì, he na tin hlan gbẹtọ lẹpo. Na yè ji Whlẹngan tọ de hlan mì to egbé to otò daho Davidi tọn mẹ, he yín Klisti Oklunọ. Ehe sọ wẹ basi ohia hlan mì; Mì na mọ ovivu de he yè yí ajakẹn hizi do e go, é mlọnai to opa kanlin tọn de mẹ. Ajiji agùndaho awhanpa olọn tọn de tin to angẹli lọ de, bo tò Jiwheyẹwhe pa, dọmọ, Gigo hlan Jiwheyẹwhe to olọn aga, Podọ jijọho to gbẹtọ mẹhe mẹ ewọ yín homẹhùnnọ te lẹ ṣẹnṣẹn.
    • Luku 2:9‭-‬14 KJV
  • Oklunọ E, dinvie wẹ a ni jo devi towe do ni yì jijọho, Kẹdẹdi ọhó towe. Na nukun ṣie lẹ ko mọ whlengan towe, Ehe hiẹ ko wleawu etọn dai to gbẹtọ lepo nukọn; Hinhón de na osọhia hlan Kosi lẹ, Po gigo Islaeli omẹ towe lẹ tọn po.
    • Luku 2:29‭-‬32 KJV
  • Ewọ sọ dọ hlan yé, dọ, Etẹwutu wẹ mì to dindin mi pé? Mì ma yọnẹn dọ yẹn ma sọgan nọ ma tin to azón Otọ́ ṣie tọn kòn.
    • Luku 2:49 KJV
  • Podọ eyín mì sọ yàn hlan yé he si mì to nukundo na vó mọ yí te lẹ, opé tẹwẹ mì do? na ylandonọ lẹ nọ yàn hlan ylandonọ lẹ, na yé nido mọ yí sọmọ. Ṣigba mì ni yiwanna kẹ̀ntọ mìtọn lẹ, bo nọ wà dagbe na yé, bo nọ yànnamẹ madosisi mede tọn; ale mìtọn na sọ yín daho, podọ mì na sọ yín visunnu Gigogan tọn lẹ: na ewọ yín dagbenọ hlan mayọndagbenọ po mẹylankan po.
    • Luku 6:34‭-‬35 KJV
  • Podọ mì dawhé blo, yè ma sọ to owhè na da na mì; mì gblewhẹ̀do omẹ blo, yè ma sọ to na gblewhèdo mì; mì jonamẹ, yè nasọ jona mì. Mì na ome, yè nasọ na mì; ojlé dagbedagbe, zindodò, he yè whandopọ, he gọfla, wẹ yè na jlé do akọnnu mìtọn. Na ojlé dopo he mì do jlé, wẹ yè nasọ yí do jlé hlan mì.
    • Luku 6:37‭-‬38 KJV
  • Ṣigba Faiesi lẹ, po osénnọ lẹ po sọ gbé linlẹn Jiwheyẹwhe tọn dai na: yéde, yè ma sọ baptizi ye to e de.
    • Luku 7:30 KJV
  • E sọ dọ hlan en, dọ, Yè jo; ylando towe na we.
    • Luku 7:48 KJV
  • Dinvie e sọ wá jọ, to dopo azán nẹlẹ tọn gbè, é biọ vàtlẹ de mẹ po nuplọntọ etọn lẹ po: é sọ dọ hlan yé, dọmọ, Mì gbọ mí ni juyì awà awetọ tándo tọn ji. Yé sọ sunhún do. Ṣigba le yé to yìyì, é damlọn; jẹhọn daho sọ jete, é to yìnyìn to tándo ji; é sọ hen yé gó na osìn, yé sọ tin to owù mẹ. Yé sọ wá e de, bo fọ́n en, dọmọ, Mẹplọntọ, Mẹplontọ, mí dòn. Whenenu wẹ é fọ́n, bo sọ wọhẹ jẹhọn po zingidi osìn tọn po: yé sọ huwhé, bo sọ nabọẹ tó E sọ dọ hlan yé, dọ, Fie wẹ yise mìtọn te? Yínyín avosatọ e jawu do yé, yé to didọ hlan yénọzo dọ, Be menu wẹ ehe! bọ é degbèdo yèdọ jẹhọn po osìn po, bọ yé sọ yí i se.
    • Luku 8:22 - 25 KJV
  • Ṣigba e lé, bo wọhẹ yé, bo sọ domọ, Mì ma yón gbigbọ he hunkọ mì tindo gba Na Ovi gbẹtọ tọn ma wá nado hù ogbè gbẹtọ tọn súdo; adavo nado whlẹn yé gán. Yé sọ yì gbeta devo.
    • Luku 9:55‭-‬56 KJV
  • Gbon okosọ dali wẹ yẹwhenọ de jẹte gbọn finẹ dali jei; whenuena é mọ ẹn, é lé gbọn awà awetọ ji yì. Mọkẹdẹ wẹ Levite de ga, whenuena é jẹ ofi lọ bo mọ ẹn, é lé gbọn awà awetọ ji. Ṣigba Samalitọ de, le é gbéjizọnlinji jeì jẹ ofi he é te: whenuena é mọ ẹn, lẹblanu wá ẹ E yì e de, bo bla alán nẹ, bo kòn amì po ovẹ̃n po do e mẹ, bo sọ zé e do kanlin ewlọsu tọn ji, bo hen ẹn wá dòhò me, bo to e go pọ́n. Podọ to aihọngbe, whenuena è jei, é yí abọgankuẹ awe, bo sọ na dohogán, bo sọ dọ hlan ẹn, dọ, Pọ́n e go: onú depope hiẹ sọ zán lánhu, whenuena yẹn lẹgò, yẹn na sú we. Mẹnu to yé omẹ atọ̀n helẹ mẹ, wẹ hiẹ lẹn do kọmẹnu hia hlan mẹhe jẹ alọ ajotọ lẹ tọn mẹ? E sọ dọmọ, Ewọ he do lẹblanu hia to e ji. Whenẹnu wẹ Jesu dọ hlánẹn, dọ, Yì, bo no wà mọkẹdẹ.
    • Luku 10:31‭-‬37 KJV
  • Mẹhe ma tin po yẹn po, é jẹagò do ogo e, mẹhe ma sọ bẹpli hẹ mi, é to vúnvúnvúnvún pé.
    • Luku 11:23 KJV
  • Dindọn hlan mì, osẹnnọ lẹ Na mìwlẹ ko yí honhùngan nuyọnẹn tọn: miwlọsu ma biọ họmẹ, yé he sọ to na biọ họme le, mi ginglọn. Whenuena é tón jegbonu sọn finẹ wekantọ le, po Falesi lẹ po sẹ azinyan sọ ẹ susu bo sọ to homẹhẹngble nè, nado dọ onú susu sùhu: ye tọwù nẹ̃, nado mọ núde hẹn to onù etọn mẹ, na ye nido slẹ ẹ.
    • Luku 11:52‭-‬54 KJV
  • TO ojlẹ de mẹ, whenuena gbẹtọ gegé madohihia agùndahọ lọ tọn plidopọ, sọmọ bọ yé to yénọzo ji hẹ, é sẹ̀ didọ hlan nuplọntọ eton lẹ nukọnjẹ na popo, domọ, Mì payi otọn Falesi lẹ tọn go, he yin yenuwiwà. Na nude ma tin he ye ṣinyọn nudo, bọ ye ma na dè hia; kavi ehe whlá, bọ yè ma na yọn ẹn. Enewutu nudepope mì dọ to zinvlu me, yè na sè to hinhọn mẹ; podọ onu he mì sọ do do otọ́ me to abò mẹ wẹ yè na dawhá do dọ tó ohọta. Yẹn sọ dọ hlan mì hontọn ṣie lẹ, Mì dibu blo na yé he nọ hù agbasa, to enegodo, ye ma sọ do nude bo sọ sogan wà ba. Ṣigba yẹn na navàse mí mẹhe mìwlẹ na dibusi: Mì dibusi ewọ, whenu é hù vò sọ tindo aṣẹ̀ nado dọn dlẹn olonzo mẹ: mọwe yẹn dọ hlan mì, Mì nọ dibusi i.
    • Luku 12:1‭-‬5 KJV
  • Be oblenọ atọn ma wẹ yè nọ sa yín abọgan-kuẹ flínflín awe, ode to yé mẹ ma yín winwọn to Jiwheyẹwhe nukọn gba? Ṣigba yèdọ odà he tin to ota mìtọn lẹpo wẹ yè hia. Enewutu mì dibu blo: mì doale hú oblenọ susu.
    • Luku 12:6‭-‬7 KJV
  • E sọ dọ hlan yé, dọmọ, Mì ho mìde, bo sọ payi do nukunkẹn: to ogégé gbẹtọ tọn de mẹ ma wẹ ogbè etọn nọte te sọn onú he ewọ tindo le mẹ gba. E sọ dọ oló de hlan ye, dọmọ, Aigba dawe adọkunno de tọn hẹn sinsẹ́n susu jẹgbonu: E sọ lẹn to ede home dọ, Etẹ yẹn na wà, na yẹn ma tindo otẹn ofi he yen na be sinsẹ́n ṣie pli do? E sọ dọmọ, Ehe wẹ yẹn na wà; yẹn na họ̀ zinhọ ṣie liai, bo dó klohu; finẹ yẹn na bẹ sinsẹ́n ṣie lẹ, po adọkun ṣie lẹ po pli do. Yen nasọ dọ hlan ayiha ṣie, do, Ayiha, hiẹ tindo agbàn susu he yè bépli na owhè susu: yí awúbọ towe, to dùdù, to nùnù, bo to ayajẹ. Ṣigba Jiwheyẹwhe dọ hlan ẹn, dọmọ, Hiẹ nulunọ, ozán he mẹ yè na kàn ogbè towe biọ sọn de we: be mẹnutọn wẹ onú hẹ hie wleawu etọn dai hele na yín? Mọkẹdẹ wẹ ewọ he bé adọkunnu pli na ede, bo ma yin adọkunnọ gbọn Jiwheyẹwhe dali.
    • Luku 12:15‭-‬21 KJV
  • Enẹwutu na mì ni wleawu ga: na Ovi gbẹtọ tọn ja to ojlẹ he mẹ whenuena mì ma donukun in.
    • Luku 12:40 KJV
  • Oklunọ afànume lọ tọn na wá to azán he gbè é ma donukun in te podọ to ojlẹ whenuena é ma yọnẹn mẹ, bo nasọ saya nẹ, bo sọ dè tẹnmẹ etọn nẹ̃ po mawànugbonọ lẹ po.
    • Luku 12:46 KJV
  • Ṣigba ewọ he ma yọnẹn, bo sọ wà onú he jẹ na hihò, wẹ yè na yí obá pẹvide do hò. Na mẹdepope he yè na susu, é si wẹ yè na kàn susu biọ te. Mẹhe gbẹtọ yí susu na, ẹ si we yé na kàn susu biọ te.
    • Luku 12:48 KJV
  • Be mì lẹn dọ jijọho wẹ yẹn hẹn wá do aihọn mẹ? Yẹn dọ hlan mì, dọ, Lala; sigba yè ni gbọ bo dọ kinklan: Na sọn dinvie gbẹtọ atón na tin to owhé dopo gbè yè na klán atọ̀n do awe ji, awe do aton ji. Otọ́ na klán do ovi etọn sunnu ji, ovisunnu do otọ́ ji; onọ do ovi etọn yọnnu ji, oviyọnnu do onọ eton ji; asunọ do asi ovi etọn tọn ji, podo ovisi do asúnọ eton ji. E sọ do hlan gbẹtọ lẹ ga, dọmọ, Whenuena mìwlẹ mọ aslọ de, bọ é suyu to wheyìho dali, mi no dọ to afọdoponeji, dọmọ, Jikun katakata ja; é sọ nọ yín mọ. Whenuena mì sọ mọ jehon hùwaji tọn to yìnyìn, mì nọ dọmọ, Oyózo na tin; é sọ no di Mì yẹnuwàtọ, mì sọgan dọtadena jinukunmẹ po aigba tọn po; ṣigba nawẹ mì ma yon ojlẹ helẹ do? Kavi etewùtu we mìlọsu ma dawhè yèdọ na mìde onú he jlo tọn?
    • Luku 12:51‭-‬57 KJV
  • E sọ zingbejizọnlin sọn tòdaho de mẹ jẹ tòdaho de mẹ podọ sọn gbétatò de mẹ jẹ gbétatò de mẹ, bo to mẹplọn bosọ zindonukọn to gbejizọnlin etọn mẹ yì Jelusalẹm. 23 Todin, dawe de dọna ẹn dọmọ: “Oklunọ, be omẹ vude wẹ na yin whinwhlẹngán ya?” 23 Todin, dawe de dọna ẹn dọmọ: “Oklunọ, be omẹ vude wẹ na yin whinwhlẹngán ya?” E dọna yé dọmọ: 24 “Mì vánkan vẹkuvẹku nado gbọn ohọ̀n bibó lọ nù biọ e mẹ, na yẹn dọna mì dọ, mẹsusu wẹ na dín nado biọ e mẹ ṣigba bo ma na penugo. 25 To whenue whétọ lọ na ko fọ́n bo sú ohọ̀n lọ, mìwlẹ nasọ ṣite to gbonu bo na to họ̀nhúhú, bosọ to didọmọ, ‘Oklunọ, hùnhọ̀n na mí.’ Ṣigba, ewọ na gblọnna mì dọ: ‘Yẹn ma yọ́n fie mì wá sọn.’
  • Podọ le Falesi lẹ kanbiọ ọ dọ, whetẹnu wẹ ahọludu Jiwheyẹwhe tọn ja, e gblọnna yé, bo dọmọ, Ahọludu Jiwheyẹwhe tọn ma ja po ohia po gba: mọwẹ yé ma to na dọmọ, Pọn to ofi! kavi, pọn to odọn Na, pọn, ahọludu Jiwheyẹwhe tọn tin to gblagbla mì tọn me.
    • Luku 17:20‭-‬21 KJV
  • Ṣigba Jesu ylọ yé do é de, bo dọmọ, Mì gbọ yọpọvu lẹ ni wá dẹ̃, mì sọ kóna yé blo: na yé omẹ mọhunkọ lẹ tọn wẹ ahọludu Jiwheyẹwhe tọn. Nugbo wẹ yẹn dọ hlan mì, Mẹdepope he ma yí ahọludu Jiwheyẹwhe tọn di yọpọvu de ma to na biọ finẹ, eyín é bo sọ to depope.
    • Luku 18:16‭-‬17 KJV
  • Bo dayi e go, dawe de tin, he yè nọ ylọ Zasé, mẹhe yín ogánde to tòkuẹsinyantọ lẹ mẹ, ewọ sọ yín adọkunnọ. E sọ din nado mọ Jesu mẹhe é yín; bo ma sọ sọgan mọ ẹn na tẹnjinjan watu, podọ é yín omẹ gli wutu. E sọ dowezun yì nukọn, bo hé atin sikomoli de ji nado mọ ẹn, na é na jugbọn finẹ. Whenuena Jesu jẹ ofi lọ, é zé nukun do aga, bo dọ hlan ẹn, dọmọ, Zasé yawu, bo jẹte wá, na yẹn na jẹ owhé towe gbè to egbé. E sọ yawu, bo jẹte bo sọ yí, i po homẹhùnhùn po. Whenuena yé mọ ẹn, yé omẹ pó to hunhlun, dọ, E yì le owhé omẹ he yín ylandonọ tọn gbè. Zasé sọ fọ́n site, bo dọ hlan Oklunọ, dọmọ, Pọ́n, Oklunọ, odá onú he yẹn tindo lẹpo tọn yẹn jo hlan wamọnọ lẹ; eyín yẹn sọ yí agòjijẹ do yí nude sọn mẹdepope de, yẹn gò jo dó donu ẹnẹ ji. Jesu sọ dọ hlan ẹn, dọmọ, Egbé wẹ whlẹngan biọ owhé he gbè, sọle ga ewọ yín ovi Ablaham ton de. Na Ovi gbẹtọ tọn wa nado din, podọ nado whlẹn enẹ he yin bubu gan.
    • Luku 19:2‭-‬10 KJV
  • Whenuena ye to onú helẹ sè, é sọ yí ohó dogó, bo sọ dọ olo de, na é tin sẹpọ́ Jelusalẹm wutu, podọ yé to linlẹn dọ ahọludu Jiwheyẹwhe tọn na sọawúhia to afọdoponẹji wutu. Enẹwutu é dọmọ, Dawe aglosu de yí biọ oto dindẹn de mẹ, nado yí ahọludu de na ede, podọ nado lẹ́gọ̀. E sọ ylo afànumẹ etọn ao bo na mina ao yé, bo dọ hlan yé, dọmọ, Mì yí ehe do wà, jo, kaka yẹn na do gò. Ṣigba otòvi etọn lẹ gbewan nẹ, bo do mẹdagun de hlan to godo etọn, dọmọ, Mìwlẹ ma jlo na dawe he ni duahọlu do mí ji gba. E sọ wá jọ, whenuena é yí ahọludu bo lẹgò, we e degbe ye ni ylọ afànume nẹlẹ wá, ye mehe e-ko na mina, na é nido yón ale nẹmu medopodopo dù gbon ajọwiwà dali. Mẹtintan wá nukọn etọn, dọmo, Okluno mina towe basi mina ao dogo E sọ dọ hlan ẹn, dọmo, Yè wa dagbe, hie afanumẹ dagbe; na ye mọ hiẹ yín nugbonọ to onú pẹvi siun me wutu, tindo asè do oto daho ao ji, Awetọ sọ wá dọmọ, Oklunọ, mina towe ko basi mina atọn. Ẹ sọ dọ hlan ẹn ga, dọmo, Hie ga ni tin to otò daho atọn ji Devo so wá, dọmọ, Okluno, pọ́n mina towe tin to ofì, he yẹn sọ whla do duku de mẹ: na yẹn nọ dibuna we, na hie yín gbẹtọ fifietọ wutu; hie nọ yí onú he hiẹ ma sọ dai, bo sọ nọ gbọ̃n onú he hie ma do. E sọ dọ hlan ẹn, dọmo, Son onù hiẹlọsu tọn mẹ wẹ yẹn na dawhena we, hie afànumẹ ylan-kan. Hie yonen dọ gbẹtọ fifiẹtọ de wẹ yẹn, yẹn nọ yi onu he yẹn ma sọ dai, bo sọ nọ gbọ̃n onú he yen ma do: be etẹwutu hiẹ ma ka yí ahue ṣie do akuehọtẹn, bọ yen to gigò ṣie mẹ nido ko kàn ẹn biọ po ale po? E so dọ hlan mẹhe site to finẹ lẹ, domo Mì yí mina; lọ sọn e si, bo yí i na mehe tindo mina ao. (Yé sọ dọ hlan en, dọmọ, Oklunọ, e tindo mina ao.) Yẹn dọ hlan mì, Mẹdepope he tindo we yè na na; podọ sọn ewo he ma tindo si, we ye na yí yèdọ onu he é tindo sọn. Ṣigba kèntọ ṣie nẹlẹ, he ma jlò dọ yẹn ni dugán to yé ji lẹ, mi hẹn yé wá ofi, bo hù yé to nukọn ṣie.
    • Luku 19:11‭-‬27 KJV
  • E sọ wá jọ, whenuena é dọn sẹpọ́ Bettagi po Bẹtani po, to osó he yè nọ ylọ Olivie ji, é do ome awe son nuplontọ lẹ me hlan, dọmọ, Mì yi gbeta he pannukọn mì me; ehe me le mì to bibiọ, mì na mo kẹteketevu de to sínsín, ehe ji gbẹtọ de ma sinai te gbède: mì tún in, bo hẹn en wá. Eyín mẹde sọ kanbiọ mì domo, Etẹwutu wẹ mì to túntún in? le wẹ mi na do, dọmọ, Oklunọ do onú na yi i do wà Yé he yè dohlan lẹ sọ yì, bo mọ kẹdẹ dile é dọ hlan yé do. Le ye sọ to kẹteketevu lọ tún, Oklunọ eton lẹ do hlan yé, domọ, Etẹwutu wẹ mì to kẹteketevu lọ tún? Yé so dọmọ, Okluno do onú na yí i do wà. Ye sọ hen ẹn wá Jesu de: yé sọ zé avọ̀ yetọn le dlẹn ketekẹtevu lọ ji, bo zé Jesu do e ji.
    • Luku 19:29‭-‬35 KJV
  • E sọ sè oló he dọ hlan gbẹtọ lẹ, dọmọ; Dawe de do vẹ̃ngle de, bo yí i hayana glesi lẹ, bo sọ yì otò devo mẹ na ojle dindẹn de. To osã lọ ji é do afànumẹ de hlan glesi lẹ, na yé nido na ẹn sọn sinsẹ́n vẹ̃ngle tọn mẹ: ṣigba glesi lẹ linu in, bo sọ do e hlan yì agbá. E sọ do afànumẹ devo hlan: yé sọ linu in ga, bo saya nẹ̃ susu, bo sọ do e hlan yì agbá. E sọ vó atọ̀ntọ de dohlan: ye sọ húnu in ga, bo yàn ẹn jegbonu. Klunọ vẹ̃ngle ton sọ dọmọ, Etẹwẹ yẹn na wà? yẹn na do ovi sunnu ṣie yiwanna hlan: é sọgan yín yé na wleyẹyina ewọ. Ṣigba whenuena glesi lẹ mọ ẹn, yé hójlẹ hẹ yénọzo dọmọ, Ehe wẹ whedutọ lọ: mì gbọ mí ni hù i, na ogú etọn nido yín mìtọn. Yé bo sọ yàn ẹn tọ́n sọn vẹ̃ngle mẹ, bo hù i. Be enẹwutu etẹwẹ Oklunọ vẹ̃ngle tọn lọ na wa do yé? Ewọ na wá, bo hù glesi nẹlẹ súdo, bo nasọ jo vẹ̃ngle etọn hlan mẹdevo. Whenuena yé sè e, yé dọmọ, E yín mọ blo. Ṣigba é pọ́n yé, bo dọmọ, Be etẹwẹ ehe yè wlanwe do, Ozannu he didóto le gbẹdai, Dopolò wẹ ye do basi otado holonglonen mẹ tọn? Medepope he jai jẹ ozannu nẹ ji, na yín gbigba do flinflin; ṣigba medepope he ji e jai jẹ, é na vunvun in di kọgudu. Ogan yewhenọ tọn le, po wekanto lẹ po sọ to dindin to ojlẹ ne mẹ nado wlé e; ye sọ to budina gbẹto lẹ na ye mohlan dọ ye go wẹ é dọ olo he do.
    • Luku 20:9‭-‬19 KJV
  • Enẹwutu, mì magbe to ahun mìtọn mẹ jẹnukọn gando lehe mì na yiavùnlọ do go blo, na yẹn na na mì ohó he mì na dọ podọ nuyọnẹn he nukundiọsọmẹtọ mìtọn lẹpo to pọmẹ ma na penugo nado diọnukunsọ kavi jẹagọdo.
  • Humọ, ohia lẹ na tin to owhè, osun po sunwhlẹvu lẹ po mẹ, bọ awufiẹsa akọta lẹ tọn na tin to aigba ji, bọ yé ma na yọ́n nuhe yé na wà, na gbigbó ohù tọn po adánjijẹ etọn po wutu. Gbẹtọ lẹ nasọ nọ dakú na obu podọ na nukundido nuhe ja aigba ji lẹ tọn wutu, na huhlọn olọn tọn lẹ na yin whinwhàn.
  • Whenuena ojle lọ wa, é jagla, po apọsteli wiawe lẹ po po e po. E sọ dọ hlan yé, dọmọ, Hómẹhùnhùn yẹn jlo nado dù juwayì he he mì, whẹpo yen na do jiya: na yẹn do hlan mì, Yen ma to na dù to e me ba, kaka yè na do dota nẹ to ahọludu Jiwheyẹwhe tọn mẹ. E yí kọfo de whenuena e ko dopé e dọmọ, Mi yí ehe, bo má ẹ to mide ṣẹnṣẹn: na yẹn dọ hlan mì, Yẹn ma to na nù to sinsẹ́n ovẹ̃n tọn me ba, kaka ahọludu Jiwheyẹwhe ton na do wá. E sọ yí akla, whenuena e ko dope, e wén ẹn, bo sọ yí na yé, domọ. Ehe wẹ agbasa ṣie he ye na mì mi nọ basi ehe to oflin ṣie me. Podọ kọfo ga to owàlọ monkọ mẹ, tò tenu nudùdù godo, é dọmọ, Kọfo he wẹ àlẹnu yọ́yọ́ to ohùn ṣie me, yedọ enẹ he yè kọn na mi.
    • Luku 22:14‭-‬20 KJV
  • Jesu sọ dọ hían ẹn, dọmọ, Nugbo wẹ yẹn dọ hlan we, Egbé wẹ hiẹ na nò hẹ mì to paladisi.
    • Luku 23:43 KJV
  • ṢIGBA to azán tintan osé lọ tọn, to afọnnu fliflimẹ, yé wá oyòwhé lọ kòn, bo hẹn nuwhẹnwán he yé ko wleawu etọn lọ wá. Yé sọ mọ yè ko bli ozannu sọn oyòwhé go. Yé sọ biọ e mẹ, yé ma sọ mọ osiọ Oklunọ Jesu tọn. E sọ wá jọ, le yé jẹflu talala na onú he wutu, pọ́n, dawe awe site to yé de to awu sisé mẹ: le obu to yé di, bọ yé sọ ṣinyọn nukunmẹ yetọn do do aigba, yé dọ hlan yé dọmọ, Etẹwutu wẹ mìwlẹ to mẹhe to ogbẹ din to osiọ lẹ mẹ? E ma tin to ofi gba, ṣigba é ko fọ́n; mí ni flin le é dọhó hlan mì do whenuena é tin to Galili, dọmọ, Yè ma sọgan nọ ma dè Ovi gbẹtọ tọn jo do alọ gbẹtọ ylandonọ lẹ tọn mẹ gba, yé nasọ whè e do satin go, to azán atọ̀ntọ gbè, é nasọ fọ́n. Yé sọ flin ohó etọn lẹ, ye sọ le sọn oyòwhé lọ kòn, bo sọ dọ onú he lẹpo hlan omẹ widopo lẹ, podo hlan mẹdevo he pò lẹpo. Malia Magdaleni, po Jóana po, po Malia onọ Jakobu tọn po, po yọnnu devo lẹ po po yé po, dọ onú helẹ hlan apọsteli le Oho yetọn lẹ sọ sọawúhia di ohó fusa, yé ma sọ yí yé se. Ṣigba Pita tite, bo dowezun yì oyòwhé lọ kòn; fifẹ po pinpọ́n e mẹ po, é mọ ala vò lẹ lọ to àigba to ola na yéde, é sọ fọ́nyì, awuji ewlọsu do onú he jọ go.
    • Luku 24:1‭-‬12 KJV

Hoyidọ lẹ gando Wẹndagbe Luku tọn go[jlado | jla asisado]

  • Klistiani susu lẹ ko yin hinhẹn buali na owhe kanweko susu lẹ gando ninọmẹ ahọluduta Jiwheyẹwhe tọn go gbọn lẹdogbedevomẹ Luku 17:21 tọn he yin lilẹdogbedevomẹ to aliho agọ̀ mẹ dole: “Ahọludu Jiwheyẹwhe tọn tin to gblagbla mì tọn me.” “Ahọludu Jiwheyẹwhe tọn tin to gblagbla mì tọn me.” To egbe weyọnẹntọ lẹ po lẹdogbedevomẹ-basitọ lẹpo po na kẹalọyi dọdọ le wẹ e dona yin kinkan do: “Ahọluduta Jiwheyẹwhe tọn tin to mì ṣẹnṣẹn.” “Ahọluduta Jiwheyẹwhe tọn tin to mì ṣẹnṣẹn.” Hogbe Glekigbe tọn lọ entos sọgan zẹẹmẹdo “ṣẹnṣẹn”.
    • Albert Nolan, Jesus Before Christianity: The Gospel of Liberation (1976), p. 46

Sọ pọ́n[jlado | jla asisado]