Wẹndagbe Matiu Tọn

Wẹndagbe lọ Sọgbe hẹ Matiu (τὸ εὐαγγέλιον κατὰ Ματθαῖον, c. 70 - 110) yin dopo to wẹndagbe ẹnẹ he suhugan klistiani lẹ tọn kẹalọyi taidi nuhe sọgbe bo to tito ji, wẹndagbe he bẹ nudọnamẹ dopolọ hẹn lẹ po owe tintan lẹdogbedevomẹ alẹnu yọyọ tọn po. E dọhó gando gbẹzan, lizọnyizọn, oku, po fọnsọnku Jesu Nazaletinu tọn po.

Hoyidọ delẹ sọn hodidọ etọn lẹ mẹ

Whenuena yè ji Jesu to Betlẹhẹm Judé tọn, to ahọlu Helodi whenu, do ayi e go, núyọ́nẹntọ delẹ sọn whèzìzẹ dali wá Jẹlusalem, to didọ, dọ̀, Fie wẹ mẹhe yè ji bọ é yín Ahọlu Ju lẹ tọn te? na míwlẹ mọ sunwhlẹvu etọn to whèzizẹ dali, mí sọ wá taliai nẹ gbé. Whenuena ahọlu Helodi sè onú helẹ, awú etọn ma jai po Jelusalẹm lẹpo po hẹ ẹ.
- 2:1-3 (KJV)
To whenue e mọ susu Falesi lẹ po Sadusi lẹ po tọn to dindọnsẹpọ baptẹm lọ tẹnmẹ, e dọhlan yé dọmọ, Mì ovi amàpoe tọn lẹ emi, mẹnu wẹ ko na mì avase nado họ̀n sọn homẹgble he ja lọ mẹ? mì sọ lẹn to mì hòmẹ, dọ, Mí tindo Ablaham na otọ̀ mítọn blo: na yẹn ni dọ na mì, dọ, Jiwheyẹwhe sọgan de ovi sọn zannu helẹ mẹ na Ablaham.
- 3:7:9 (KJV)
Donanọ wẹ wamonọ lẹ to gbigbọ mẹ: na yetọn wẹ ahọludu olọn ton.

Donanọ wẹ yé he to awubla lẹ: na yè na miọnhomẹ na yé.

Donanọ wẹ homẹmimiọnnọ lẹ: na yé na dugu aigba tọn.

Donanọ wẹ ye he hùvẹ́ hùhù bọ ovẹ́ to húhú na dódo wutu lẹ: na yè na gọho na yé.

Donanọ wẹ lẹblanunọ lẹ: na yé na mọ lẹblanu yí.

Donanọ wẹ wiwénọ to ayiha mẹ lẹ: na yé na mọ Jiwheyẹwhe.

Donanọ we jijọhodinto lẹ: na yè na ylọ ye visunnu Jiwheyẹwhe tọn.

Donanọ wẹ yé he yè to hòmẹkẹndo na dodó tọn wutu lẹ: na yetọn wẹ ahọludu olọn tọn.

Donanọ wẹ mìwlẹ, whenuena gbẹtọ lẹ na to vivlẹ mì kò, bo to homekẹndo mì, bo sọ to oylan hunkọhunkọ dọ do mì go to lalo mẹ, na ṣie wutu.

Mì ni jaya, na mì ni sọ to ayajẹ susu, na ale miton wẹ daho to olọn mẹ, na mọkẹdẹ wẹ yé dohomẹkẹn yẹwhegán he ko tin jẹnukọn na mì lẹ.

Jesu, to 5:3-12 mẹ
MÌ payi dọ mì wá dódó mìtọn to gbẹtọ nukọn, nado yín mimo gbọn yé de blo; eyínmọ mìwlẹ ma tindo ale de to Otọ̀ mìtọn he tin to olọn mẹ de gba.

Enẹwutu whenuena hiẹ wà lẹblanu núnina towe, a kún opèn de to nukon towe blo, dile yẹnuwatọ lẹ nọ wà do to sinagogu mẹ, podọ to alihogbó ji na ye nido do gigo sọn gbẹtọ lẹ de. Nugbo wẹ yen dọ hlan mì, dọ, Yé ko mọyí to gigọ́ me ale yetọn. Ṣigba, hiẹ, to whenue hiẹ to lẹblanu nunina tọn lẹ na, a dike amiyọnlọ towe yọ́n nuhe adusilọ towe to wiwà blo, na lẹblanu nunina towe ni tin nuglọ: Otọ́ towe he mọnú to nuglọ, na suahọ etọn we. Whenuena hiẹ to dèho, a di yẹnuwàtọ lẹ blo: na yé yíwánna nado site do hodẹ to sinagogu me, podọ to alihoklanji, nado yín mimọ na gbẹtọ lẹ wutu. Nugbo wẹ yẹn dọ hlan mì, Ye ko mọyí to gigọ́ mẹ ale yetọn. Ṣigba, whenue hiẹ to dẹ̀ho, biọ abò towe mẹ podọ, to whenuena hiẹ ko sú ohọ̀n towe godo, hodẹ̀ hlan Otọ́ towe he to nuglọ. Whenẹnu, Otọ́ towe he nọ mọnú to nuglọ na suahọ etọn we. Ṣigba eyin mì to dẹ̀ho, mì dọ dọvọdọ nudopolọ lẹ tọn dile omẹ akọta lẹ tọn nọ wà do blo: na yé nọ lẹndọ ohó susu didọ wẹ na zọ́n bọ odẹ̀ yetọn na yin sisè. Enewutu mì di yé blo: na Otọ̀ mìton yọn onú he mì tindo núwhèdo na, whẹpo mì do biọ ẹ.

- Jesu, to 6:1-8 mẹ (KJV)
Enẹwutu mì yín vivẹnunọ na osọ̀ blo: na osọ̀ na yín vivẹnunọ na ede. Nupekọ hlan azán wẹ oylan etọn.
Jesu, to 6:34 mẹ
To whenuena ewọ sè nuhe dọ yé te, e dọmọ, “Mẹhe to gángán lẹ ma nọ tindo nuhudo dotozọ́nwatọ tọn gba, adavo mẹhe to azọ̀njẹ lẹ. Enẹwutu, mì yì bo plọn nuhe ehe zẹẹmẹdo, dọ: ‘Lẹblanu wẹ yẹn jlo, e ma yin avọ́sinsan gba,’ Na yẹn ma wá nado ylọ dodonọ lẹ gba, adavo ylandonọ lẹ.”
- 9:12-13
Mì pọ́n, yẹn do mì hlan di lẹngbọ do ohla ṣẹnṣẹn: enẹwutu na mì ni yọnnuin di odàn, bo sọ do jijọmimiọn di apoe.
Jesu, to 10:16 mẹ (KJV)
Mì pọ́n, Yẹn to dido mì hlan taidi lẹngbọ lẹ to ohla lẹ ṣẹnṣẹn; enẹwutu mì yin zinzintọ taidi odàn ṣogan bo yin homẹvọnọ taidi apoe.
- 10:16 (lẹdogbedevomẹ aihọn yọyọ tọn)
Mì wá dè, mì he to tuklajẹ, bọ yè doagban pinpẹ̀n na lẹ, yẹn nasọ na gbọjẹ mì. Mì yì zẹ̀gẹ̀ ṣie do okọ̀ mìtọn, na mì ni sọ plon núpinplon ṣie na homẹmimiọnnọ podọ ayiha whiwhẹnọ wẹ yẹn: mì nasọ mọ gbọjẹ hlan alindọn mìtọn lẹ. Na zẹ̀gẹ̀ ṣie bọawú, agbàn ṣie sọ fua.
- 11:28-30 (ESV)

Mì yẹnuwàtọ lẹ, dagbe wẹ Isaia dọdọdai na mì tọn, dọmọ, Omẹ he lẹ yí nùflo yetọn lẹ do to gbégbona mi; Ṣigba ayiha yetọn tin dẹn sọn dè e.

Ovọ́ mẹ wẹ yé to sinsẹ̀n-basi hlan mi te, na gbedide gbẹtọ tọn lẹ wẹ yé nọ plọnmẹ taidi nuplọnmẹ lẹ.

- 15:7-9 (KJV)
Whenẹnu wẹ nuplọnto etọn lẹ wá, bo dọ hlan ẹn dọmọ, Hiẹ yón ẹn dọ yè hẹn Falẹsi lẹ dahli whenuena yé sè ohó he? E gblọn dọmọ, Atin he Otọ́ ṣie olọn mẹ tọn ma do lẹpo wẹ na yin hinhọ̀nsẹ. Mì jo yé do: alihiamẹtọ nukuntọ́nnọ wẹ yé. Eyín nukuntọ́nnọ do ali hia nukuntọ́nnọ, yé omẹ awe lẹ na jai do odò mẹ.
- 15:12 -14 (KJV)
E gblọn dọmọ: “Atin he Otọ́ ṣie olọn mẹ tọn ma do lẹpo wẹ na yin hinhọ̀nsẹ. Mì jo yé do. Alihiamẹtọ nukuntọ́nnọ wẹ yé. Enẹwutu, eyin nukuntọ́nnọ do ali hia nukuntọ́nnọ, yé omẹ awe lẹ na jai do odò mẹ.”
15ː13-14, lẹdogbedevomẹ aihọn yọyọ tọn
Mọkẹdẹ wẹ Otọ́ ṣie olọn tọn na yinuwa hẹ mì do eyin dopodopo mìtọn ma nọ jona mẹmẹsunnu etọn sọn ahun mẹ wá.”
- 18:35, Lẹdogbedevomẹ Aihọn Yọyọ Ton
To whenẹnu, Jesu dọmọ: “Mì jo yọpọvu lẹ do, mì sọ tẹnpọn nado glọnalina yé nado wá dè e ba blo, na omẹ mọnkọtọn lẹ wẹ Ahọluduta olọn tọn tin na.”

19:14, NIV

Jesu sọ dọ hlan yé, dọmọ, Be mìwlẹ ma ko hia to Owé wiwe lẹ mẹ gbède, dọ, Zannu he didótọ lẹ gbẹ́ dai, Doponẹ wẹ yè hẹn yín gángánsu hòlọnglọnẹn tọn, Ehe wẹ sọn Oklunọ de, E sọ jawu to nukun mìtọn mẹ. Enẹwutu wẹ yẹn dọ hlan mì, dọ, Yè na yí ahọludu Jiwheyẹwhe tọn sọn mì de, yè nasọ yí na akọta de he na dè sinsẹ̀n etọn jẹgbonu. Podọ mẹdepope he jai jẹ zannu he ji, na yín gbigbà hanyanhanyan: ṣigba mẹdepope he ji é na jai jẹ, é na vúnvún in di kọgudu.
- 21:42-44 (KJV)
“Mẹplọntọ, gbedide tẹwẹ klohugan to Osẹ́n lọ mẹ?” E dọna ẹn dọmọ: “‘Hiẹ dona yí ahun towe lẹpo, alindọn towe lẹpo, podọ ayiha towe lẹpo do yiwanna Jehovah Jiwheyẹwhe towe.’ Ehe wẹ gbedide lọ he klohugan bosọ yin tintan. Awetọ lọ die, he sọ taidi tintan lọ: ‘Hiẹ dona yiwanna kọmẹnu towe di dewe.’ Gbedide awe ehelẹ ji wẹ Osẹ́n lọ pete plá do, po Yẹwhegán lẹ po.”
- 22: 36-40, Owe Wiwe Lẹdogbedevomẹ Aihọn Yọyọ Tọn
Ehe wẹ zọ́n bọ yẹn dọna mì dọ, Ahọluduta Jiwheyẹwhe tọn na yin yíyí sọn mì si bo yin yíyí na akọta de he na de sinsẹ́n etọn lẹ tọ́n.
- 21:43, Lẹdogbedevomẹ Aihọn Yọyọ Ton
Dọmọ, Wekantọ lẹ, po Falesi lẹ po sinai to aisintẹn Moṣe tọn mẹ: Enẹwutu onú depope yé degbèna mì, ehelẹ mí ni nọ tùnayi e go, bo sọ nọ basi; ṣigba mì basi di azón yetọn blo: na yé nọ dọ, yé ma nọ wà gba. Mọwẹ yé do agbàn pinpẹn he sinyẹnawú hinhẹn, bo zé e do abó gbẹtọ lẹ tọn ji; ṣigba yewlọsu ma na yí alọvi yetọn dopo do sẹtẹnna yé gba.
23:2-4, KJV
podọ na jideji sẹ́nhẹngba tọn wutu, owanyi suhugan gbẹtọ lẹ tọn na miọn. Ṣigba, mẹhe doakọnna kakajẹ opodo wẹ na yin whinwhlẹngán. Podọ yẹwheho wẹndagbe Ahọluduta lọ tọn ehe na yin didọ to aigba fininọ lẹpo ji taidi okunnu de na akọta lẹpo, podọ whenẹnu wẹ opodo lọ na wá.
24:12-14
To whenẹnu, ohia Visunnu gbẹtọ tọn na sọawuhia to olọn, bọ hẹnnu he to aigba ji lẹpo na doavigbè, yé nasọ mọ Visunnu gbẹtọ tọn ja to aslọ olọn tọn lẹ mẹ to huhlọn po gigo daho po mẹ.
24:30
Todin, mì plọnnu sọn apajlẹ ovòtin tọn ehe mẹ: Tlolo he alà yọyọ etọn jẹ whinwhẹ́n ji bo jọ amà, mì nọ yọnẹn dọ alunlun ko sẹpọ. Mọdopolọ mìwlẹ ga, to whenue mì mọ onú ehe lẹpo, mì ni yọnẹn dọ ewọ ko sẹpọ, yèdọ to ohọ̀n ji. Nugbo wẹ yẹn dọna mì dọ, whẹndo ehe ma na juwayi to aliho depope mẹ kaka onú ehe lẹpo nado jọ. Olọn po aigba po na juwayi, ṣigba ohó ṣie lẹ ma na juwayi to aliho depope mẹ.
24: 32-35
“To whenuena Visunnu gbẹtọ tọn na wá to gigo etọn mẹ po angẹli lẹpo po, to whenẹnu wẹ e na sinai to ofìn gigonọ etọn ji. Akọta lẹpo nasọ yin bibẹpli do nukọn etọn, bọ e na klan gbẹtọ lẹ dovo, yèdọ ode sọn awetọ go, kẹdẹdile lẹngbọhọtọ de nọ klan lẹngbọ lẹ sọn gbọgbọẹ lẹ go do. E nasọ bẹ lẹngbọ lẹ do adusilọ etọn mẹ, ṣigba gbọgbọẹ lẹ do amiyọn etọn mẹ.
25: 31-33, Lẹdogbedevomẹ Aihọn Yọyọ Tọn
“To whenẹnu, Ahọlu lọ na dọna mẹhe to adusi etọn mẹ lẹ dọmọ: ‘Mì wá, mì mẹhe Otọ́ ṣie ko dona lẹ, mì dugu Ahọluduta lọ tọn he ko yin awú etọn wle dai na mì sọn whenue aihọn ko yin didoai. Na huvẹ hù mi bọ mì na mi nude nado dù; nugbla hù mi bọ mì na mi nude nado nù. Yẹn yin jonọ bọ mì yí mi po gbigbọ johẹmẹ tọn po; yẹn to omẹ́ bọ mì ṣinyọnavọ̀na mi. Yẹn jẹazọ̀n bọ mì penukundo go e. Yẹn to gànpamẹ bọ mì wá dla mi pọ́n.’ To whenẹnu wẹ dodonọ lẹ na gblọnna ẹn dọmọ: ‘Oklunọ, whetẹnu wẹ míwlẹ mọ we to huvẹ bo na núdùdù we, kavi bọ nugbla hù we, bo na nude we nado nù? Whetẹnu wẹ mí mọ bọ a yin jonọ bo yí we po gbigbọ johẹmẹ tọn po, kavi bọ hiẹ to omẹ́ bo ṣinyọnavọ̀na we? Whetẹnu wẹ mí mọ bọ a to azọ̀njẹ kavi to gànpamẹ bo wá dla we pọ́n?’ Ahọlu lọ na gblọnna yé dọmọ, ‘Nugbo wẹ yẹn dọna mì dọ, dile mìwlẹ ko basi i na dopo to mẹhe whè hugan to mẹmẹsunnu ṣie ehelẹ mẹ, yẹn wẹ mì basi i na.’
25: 34-40, Lẹdogbedevomẹ Aihọn Yọyọ Tọn
“Enẹgodo, e na dọna mẹhe to amiyọn etọn mẹ lẹ dọmọ: ‘Mì tọ́n sọn dè e, mì mẹhe ko yin dẹ̀hodo lẹ, mì yì miyọ́n madopodo he ko yin awú etọn wle dai na Lẹgba po angẹli etọn lẹ po mẹ. Na huvẹ hù mi, ṣigba mì ma na mi nude nado dù; podọ nugbla hù mi, ṣigba mì ma na mi nude nado nù. Yẹn yin jonọ, ṣigba mì ma yí mi po gbigbọ johẹmẹ tọn po; yẹn to omẹ́, ṣigba mì ma ṣinyọnavọ̀na mi; yẹn jẹazọ̀n podọ yẹn to gànpamẹ, ṣigba mì ma penukundo go e.’ To whenẹnu, yelọsu na gblọn dọmọ: ‘Oklunọ, whetẹnu wẹ míwlẹ mọ we to huvẹ kavi bọ nugbla hù we kavi yin jonọ kavi to omẹ́ kavi jẹazọ̀n kavi to gànpamẹ bo ma yilizọn na we?’ Whenẹnu wẹ e na gblọnna yé dọmọ, ‘Nugbo wẹ yẹn dọna mì dọ, dile mìwlẹ ma ko basi i na dopo to mẹhe whè hugan to omẹ ehelẹ mẹ, yẹn wẹ mì ma basi i na.’ Omẹ ehelẹ nasọ yin sinsánsẹ kakadoi, ṣigba dodonọ lẹ na nọgbẹ̀ kakadoi.”
25: 41-46, Lẹdogbedevomẹ Aihọn Yọyọ Tọn
To whenẹnu, yẹwhenọgán lẹ po mẹho lẹ po pli dopọ to awánu yẹwhenọ daho he nọ yin Kaifa tọn mẹ, bo blasé dopọ nado gbọn ayiha gigẹdẹ dali wle Jesu bo hù i. Ṣigba, yé to didọmọ: “E ma dona yin to hùnwhẹ lọ whenu, na zingidi nikaa fọ́n to gbẹtọ lẹ ṣẹnṣẹn.”

26:3-5, KJV

Todin, yẹwhenọgán lẹ po hagbẹ Whẹdatẹn Daho Ju lẹ tọn lọ pete po to kunnudenu lalo tọn dín sọta Jesu nado sọgan hù i.

26:59, KJV

Pọnfi dogọ

Wẹndagbe Malku tọn
Wẹndagbe Luku tọn
Wẹndagbe Johanu tọn
Wẹndagbe Tọmasi tọn
Jesu
Yẹwhehodidọ Osó ji tọn (Weta 5, 6, po 7 po Wẹndagbe Matiu tọn)

Nọtẹn dopedido tọn devo lẹ